大埔宏福苑五級火｜屯門中轉屋安置災民 寶田邨街坊歡迎新朋友 手繪交通指南勁暖心｜Juicy叮
發佈時間：13:27 2025-12-06 HKT
大埔宏福苑上月26日發生五級大火，不少居民在火災中失去家園，無家可歸，部分災民獲安置到屯門寶田邨。有熱心的寶田邨街坊在網上發出窩心帖文，歡迎宏福苑新朋友即將入住，並轉載網民充滿溫度的「歡迎搬嚟寶田邨！暖心手繪交通指南」，希望能幫助遷入的災民更快適應新環境。詳情見下圖及下文：
屯門中轉屋安置災民 寶田邨街坊歡迎新朋友 手繪交通指南勁暖心逐張睇↓↓↓↓
樓主：代表邨友們歡迎你哋
樓主前日（4日）在社交平台Threads上載相片發帖，指「之前已經收到風有部分宏福苑居民會搬過嚟屯門寶田邨，今日（4日）見到有工人嚟舖地、裝熱水爐等，謹代表邨友們歡迎你哋」。細心的樓主續稱「明白你哋由新界東搬嚟新界西一定會有唔習慣，希望你哋盡快適應🙏🏻」。
樓主接著補充，「順便幫寶田邨平反一下，請大家唔好相信網上話呢度多白粉友同白卡，我住咗十幾年，都只係剛剛搬嚟嘅時候見過一次道友😅，呢度好多老人家、小朋友、正經人家㗎🙏🏻」。樓主並在回應欄補充「有新朋友嚟，我亦都想俾佢哋知呢度都冇出面講到咁得人驚啫」。
樓主轉載暖心手繪交通指南
樓主今日（6日）還發另一帖文，轉載網民的「歡迎搬嚟寶田邨！暖心手繪交通指南」。細讀指南能「一圖睇清屯門寶田邨交通」，網民指「等新搬入嚟嘅街坊可以更加方便」。
樓主在交通指南的帖文中，留下「巴士直達加註」和「小巴加註」等資料；另有網民補充「可加埋58M、58X往荃灣/ 旺角東方向係紅橋、屯仁街、華都花園落車的話，記得係落車個站度拍回贈機就可以用長途車短搭優惠」。
有回應的網民也「希望街坊多啲幫助佢哋（災民）！唔好令佢哋太孤單！🙏🏼🙏🏼」。
留言回應的不少為寶田邨街坊，有人大讚區內配套指「其實寶田邨都不知幾好，附近嘅配套咁齊全，有商場、街市同埋唔同餐廳，兼且仲有診所等等。真係唔足夠嘅仲可以坐10分鐘車出返屯門市中心，基本上乜嘢生活用品都有得你買，仲要有好多日本嘢食」。
樓主另還熱心回應網民留言：
•網民：多謝你哋照顧我哋啲（宏福苑）街坊🙏🏻老人家可能比較多，仲有啲可能啱啱先冇咗親人……真係靠你哋幫手照應🙏🏻🙏🏻🙏🏻。
樓主：唔駛多謝，我哋好歡迎佢哋過嚟呀！放心，佢哋分配咗喺鄰近座數，有原本嘅街坊喺側邊，應該安全感會大好多你哋都要好好保重、好好食飯、好好生活啊👊。
•網民：太好了，多謝你哋，麻煩晒。
樓主：點會麻煩，本來覺得寶田有啲啲靜，佢哋嚟會熱鬧咗呢☺️，希望佢哋有啲咩要問要幫手真係要開聲呀😉。
•網民：好有愛嘅屋邨。
樓主：呀…唔敢當，但其實好多都喺度住咗十幾廿幾年，未至於話鄰里關係好似以前嗰啲咁深，但都好齊心的。
•網民：隔離邨的人歡迎你哋，同時希望你哋早日重返家園。
樓主：隔離邨嘅朋友你好👋🏻，冇錯希望新朋友都可以感受到大家嘅支持同支援。
•網民：寶田OK㗎，樓下就巴士總站，行過少少仲有輕鐵站添。
樓主：Yessss（對）田景輕鐵站！
資料來源：rachel.c.sportdiary＠Threads
寶田邨設有電梯
位於屯門的寶田邨為「租住屋邨／中轉房屋」類別。房屋局局長何永賢本月初在FB發文時提到，隨著宏福苑居民逐漸離開庇護中心，尋找安置居所，房屋局各個過渡性房屋項目也持續接收有關居民入住。
何永賢續指，但由於並非所有過渡性房屋項目都設有電梯，當局理解有關單位未必完全適合部分長者、傷殘人士及行動不便人士，因此會向有需要的居民，建議入住設有電梯的房協安置屋邨或房委會位於寶田的中轉屋，務求更好地照顧他們的日常生活所需。
相關新聞：大埔宏福苑五級火｜何永賢：開放中轉屋等逾3400單位及床位安置災民
相關熱話：
大埔宏福苑五級火︱中六合彩四獎 捐一半派彩助宏福苑災民 善心幸運兒自爆投注經過
屋苑走廊鞋疊鞋 鄰居諗起宏福苑巨災憂阻走火 網民驚見門外泊超市手推車
大埔宏福苑五級火｜醒目市民力薦原始火警銅鑼 災民力撐：我真係寧願用手敲 網民：蒸魚碟都得
大埔宏福苑五級火｜童軍居安思危教執走佬袋 8大應急裝備清單一覽 附建議擺放位置
地盤頒禁煙令內部影片流出！高層當眾宣布「永久封殺令」 全場鴉雀無聲 涉事地盤屬龍頭地產商
為拎災民資助？網傳有人湧銀行改地址做宏福苑 滙豐、中銀、東亞出招堵截
大埔宏福苑五級火｜龍頭地產商出「最強禁煙令」！不止食煙斷正 地盤「帶煙包」永不錄用 網民激讚禁到盡：榜樣
宏福苑「頭七夜」無聲震撼！Gel甲少女、紅眼大叔、一雙雙染色的手...網民親歷告白：「有種人性，無關血緣」
大埔宏福苑五級火｜最「犯規」善舉！九巴暖心車長破例停車方便悼念者 一句「人心肉做」感動乘客默契守護
大埔宏福苑五級火｜「黑箱車唔係黑色！」大埔火災仵工長文反擊「潛水」指控 揭驚人工作量惹全網致敬
大埔宏福苑五級火｜搭港鐵睇大火新聞 廿歲仔流下男兒熱淚 網民同悲：哭，不代表軟弱
大埔宏福苑五級火｜物理治療助理失業4月 力撐女友捐款：$300死慳我哋食足一星期
大埔宏福苑五級火｜接載4長者到沙田暫住 災民落車前：我哋依家乜都無晒啦 司機心酸不懂回應
大埔宏福苑五級火｜屯門馬路現「催淚」車尾！巴基斯坦司機貼兩張暖心告示 後車車主：第一次揸車眼濕濕
大埔宏福苑五級火｜地盤出最辣禁煙令！不止罰款 捉到即時趕出門 網民：一早就應該
大埔宏福苑五級火｜街頭路人近日多穿素色衫 市民心水清發現 網民感動：香港人默契
大埔宏福苑五級火｜困濃煙密佈單位不離不棄 印傭守護婆婆拍片求救 網民：好心痛
大埔宏福苑五級火｜港鐵女乘客為巨災落淚 獲好心人遞紙巾安慰 對望之間一切盡在不言中
大埔宏福苑五級火｜管理員冒險敲門喊火燭 住戶感謝救命之恩 網民致敬：無名英雄
大埔宏福苑五級火︱女子救兩貓離險境 傳授實用寵物撤離方法 欲哭無淚：發咗場超級世紀噩夢
大埔宏福苑五級火｜全城送暖人鏈運物資 網民：港人幾時都咁有愛
大埔宏福苑五級火｜宏福苑居民最痛自白 廿年成長痕跡一夜清零 字字泣血全網動容：「This is my first death」
大埔宏福苑五級火︱火場勇救九貓一狗 消防員被高溫燻紅了臉照片熱傳 網民感激不放棄每個生命：英雄！
