大埔宏福苑五级火｜迁入安置居所收到捐赠家电灾民谢谢每一位好人感慨：无谂过突然无得再返屋企｜Juicy叮

更新时间：11:18 2025-12-13 HKT
发布时间：11:18 2025-12-13 HKT

小小的窝装满深深的暖。一场无情大火撕裂家园，夺走砖瓦，却同时映照出人性最温柔的光芒。有失去家园的大埔宏福苑灾民获安顿入住安置居所后，带著破碎的心发相分享往进避风港的心路历程，字里行间颤抖著对无数陌生善意的感恩，感动不少网民。

据楼主描述，获安排入住一个「有雪柜、风扇、热水炉、电磁炉、饭煲、电脑的小窝居」，并得到各方好心人的帮助，感受到「身边满满嘅爱」。详情见下图及下文：

迁入安置居所收到捐赠家电灾民谢谢每一位好人逐张睇↓↓↓↓

楼主：无试过短时间咁多冲击

楼主昨日（12日）上载新居相片发帖表示「入住的第一天，有雪柜、风扇、热水炉、电磁炉、饭煲、电脑的小窝居，谢谢每一位好人」。

楼主续称「无试过短短时间受到咁多冲击，担心记挂的事仍有一堆堆，但知道生活总要慢慢重回轨道，感受到身边满满嘅爱，好多朋友系咁问有冇嘢要帮手，有系咁叫我食饭（我一日食足三餐㗎）、有专登过嚟一齐食饭、有不断要俾物资、有自己再忙都揾帮手陪伴我同家人、有叫同事帮手留意爸爸嘅情况、有当我每次有事，即使倾谈数句都令我安心下来的」。

楼主：从来无试过泪水不停

楼主坦言「从来唔钟意分享自己内心的，但原来讲出嚟压力真系会抒发到，谢谢每个嘅问候、陪伴、帮手，仲有好多嘅祷告。其实有啲事返工都会遇到，当刻都算冷静面对，但当发生喺自己屋企人身上，最唔冷静嘅反而系自己，从来无试过泪水不停，原来有啲决定真系好难、好难落，好希望一切会好起来」。

万千感慨的楼主表示「有啲嘢可能会突然消失不见，无谂过突然无得再返屋企、无谂过每日必经嘅路，会突然无得再行、无谂过有啲说话你同佢讲，佢都唔知听唔听到。好好珍惜活著嘅每一分每一秒、好好珍惜你爱的及爱你的每一位」。

楼主：香港人真系好有爱

楼主在回应栏补充「香港人真系好有爱❤️其实自己算好彩的，住喺烧得唔算严重的一栋，但唔知几时先有机会返去睇下，而爸爸喺火灾前入院，但最近情况变差所以有感而发，自己系一个坚强嘅人，所以一定会支持住的，谢谢每句打气加油❤️大家都要一切安好」。

楼主：陆续收到大家捐赠嘅家电

在回应网民「睇相知道个环境比较简陋少少但未致于差，但唔知点解我透过呢张相感受到温暖，希望你振作，面对前面条路唔易，加油🙏🏼🙏🏼」的留言时，楼主表示「其实觉得好好呀，只系住两个人会有少少细，但入面充满大家嘅帮助同爱」。

楼主举例指，「第一日就有装好床架、有床褥，陆续又收到大家捐赠嘅家电，啱啱仲有义工们帮手搬上嚟嘅洗衣机，仲有师傅极速安装好。所以一啲都唔差，好多谢帮助过我哋嘅每位❣️」。另有人鼓励「希望你也可以自己有能力帮助更加多人，一点点来感染所有人，帮助别人的重要性，施比受更有福」，楼主以「一定会💪🏻」作回应。

同路人：时间系最好嘅良药

有同路人则留言「我都可以话系经历过家破人亡嘅。你有多支援，但我当时得我自己一个人，冇人支援。要生存就要坚强。我自己一个人都能够挨过，你应该冇问题。请记住：时间系最好嘅良药。时间系会治疗你嘅创伤同埋悲痛。加油！加油！」。

不少网民也纷纷留言表达关心与支持。有义工向事主问好，并表示「冇谂过会撞到住客」，「我有份帮你哋setup（建立）啲嘢」，「好开心，可以暂时帮你安定落嚟」。该义工更鼓励事主「有咩就走落去揾义工帮手啦，佢哋全部都好好人」。

网民：你哋真系好勇敢

另有网民表示：「呢两个星期睇咗好多宏福苑街坊嘅伤心故事，好想讲：你哋真系好勇敢！请记住，我哋一直在关注、在陪伴，你唔系一个独行」、「虽然素未谋面，但只想讲声，保重」。

其他网民也送上祝福与鼓励，包括「加油 & 保重 ❤️‍🩹 路仍长但会好起来的」、「加油，希望你嘅生活可以慢慢稳定返落嚟。如果你有物资需要都可以话俾我知，我之前都有份揾物资同送物资，应该都可以帮到手😊」、「你都算正面嘅一个人，你好叻👍🏻」、「希望之后会有更好嘅安排，令你哋生活得愈来愈好」、「都祝你之后嘅路会更好，更开心幸福」。

资料来源：mylittle_something＠Threads

其他相关热话：

9大议程网上曝光！宏福苑业主立案法团下周三开会将汇报火灾前消防系统状况

人神共愤！竟以宏福苑火灾地址叫外卖外卖员1招KO恶作剧「现金单」结局大快人心

大埔宏福苑五级火｜预订新大门无屋可装荃湾店家人情味满泻向灾民全单退款网民赞良心公司

后楼梯烧衣劲猛火大叔懒理旁人苦劝扬言烧埋今日唔烧凶管理员：唔好淋熄佢

大埔宏福苑五级火｜女义工热心帮灾民砌地板累极自嘲体弱网民感激：「地板超人」多谢付出

大埔宏福苑五级火｜睹物怀旧灾民深情告白：我成长嘅地方有得返嚟我一定返

「天降」烟蒂烧焦渠龟裂纹触目惊心楼下住户靠厕所花洒灭火惊到震：成层都闻到烟

「木乃伊」形包裹垃圾塞走火通道元朗街坊轰邻居无安全意识网民献计对付缺德行为

大埔宏福苑五级火｜屯门中转屋安置灾民宝田邨街坊欢迎新朋友手绘交通指南劲暖心

大埔宏福苑五级火︱中六合彩四奖捐一半派彩助宏福苑灾民善心幸运儿自爆投注经过