視后唐詩詠訪問古天樂睇到網民尷尬癌發作：好Kam 主持表現遭狠批全程口窒窒兼問廢話？

更新時間：14:00 2026-02-08 HKT
發佈時間：14:00 2026-02-08 HKT

古天樂出任電影版《尋秦記》總監製兼主演，港澳累積票房突破8,700萬，古天樂未有停下宣傳工作，近日亮相唐詩詠及練美娟網上頻道節目《絲打圍爐》受訪，令唐詩詠表現極緊張，而練美娟則希望「高抬貴口」，引起不少網民討論。而唐詩詠的主持表現更意外成為網民焦點，引來不少批評。

唐詩詠親切稱呼「天樂」

唐詩詠在節目開始就以熟絡的口吻以「天樂」稱呼古天樂，練美娟聞言反應極大反問：「天樂係得你咁嗌，我未聽過有人咁叫佢。」唐詩詠解釋：「我諗住親切啲，你覺得好唔好？」獲古天樂溫柔表示：「好呀，好呀，正呀！」

唐詩詠與古天樂雖然曾為TVB效力，但二人首次合作卻在電影中，唐詩詠自爆當時合作感到十分害怕，比今次的訪問緊張百倍，還試過致電陳國邦求救：「我好緊張點算，直頭想喊。」古天樂多向唐詩詠求證：「只係打畀陳國邦？」再笑言：「真係SILLY！」

古天樂鍾意睇喜劇

被唐詩詠問到自己屬於慢熱還是熱情的人？古天樂笑指似「speed dating」的對白，之後練美娟建議先進行小遊戲，才繼續聊天。古天樂順水推舟道：「我鍾意，你唔玩遊戲，我唔開心添。」古天樂被問到喜歡「喜劇」還是「科幻電影」時，選擇「喜劇」：「拍就好難，反而科幻片容易處理，喜劇要情景啱，時間啱，演員明白嗰場戲，然後跟住發揮。但有時演員可能唔明，未必會演繹到，所以好講求演員嘅轉數，同對手默契，臨場發揮，好多嘢冇得預設。我哋以前嘅喜劇叫搞笑，笑其實唔使搞，係自然而生，係個人幽默。」練美娟直言沒想到外表冷酷的古天樂鍾意睇喜劇，他笑說：「你估唔到嘞！」

相關閱讀：鄧一君爆古天樂重情念舊力撐獨立電影憶被楊采妮引薦惜未圓歌星夢丨獨家

唐詩詠搵古天樂牽紅線

三人在節目中不時舉杯飲香檳，古天樂難得全程心情放鬆，與唐詩詠及練美娟開玩笑。被問到化妝問題，古天樂表示如果可以不化妝，就不會化。練美娟認同工作時要化妝，平時就不化，反問唐詩詠時，對方表示有約會就會化妝，卻遭練美娟搶白：「妳仲有dating咩？」唐詩詠被古天樂出言維護：「你口下留情喎！」又問練美娟：「今日攻擊對象係唐詩詠？」又捉住唐詩詠隻手問：「你有冇對象呀？」唐詩詠即叫古天樂介紹。

在「肥」與「脫髮」二選一中，古天樂認為「兩樣都必然會發生」，但因為多年來沒有暴肥問題，古天樂則認為脫髮是不能避免，不妨一試借助科技幫忙。至於戴假髮，古天樂表現抗拒：「以前拍古裝，好怕黐頭套，即係生活上，用一啲嘢笠住自己個頭，好辛苦。」而他在電視劇《尋秦記》中，因是現代人穿越，故不用黐頭套。

古天樂安撫緊張唐詩詠

談到入行至今曾推出兩首Hit歌《今期流行》、《天命最高》，古天樂二選一時先呷一口香檳：「梗係《天命最高》，難得有一首歌，大家開玩笑又好，或黑歷史又好，試問有邊一首歌，大家喺廿幾年後仲記得？仲要連舞步都記埋，我見近期YouTuber將介紹產品嘅節目定名為『今期流行』。你問我有冇一首劇集主題曲可以咁樣？仲可以喺網絡二次創作成第二種語言，包括泰文、法文、韓文，同有埋mv。我好感恩，人生裡頭出現過《今期流行》同《天命最高》。」

唐詩詠追問有沒有想過有第三首經典歌，古天樂反問：「你有咩高見？」唐詩詠即口窒窒未能即時作出反應，古天樂便安撫對方：「唔使驚，唔好騰。」唐詩詠才解釋：「其實想問有冇新歌？」古天樂承認有，又叫大家拭目以待，還應唐詩詠的要求哼兩粒音。兩位主持獲古天樂應要求開心表示：「夠喇！女人好易氹，我哋好開心。」

古天樂戒甜食十多年

古天樂曾傳一日只食一餐，他透露自己好喜歡食甜，但在家中不會食甜品，而且已戒掉汽水。古天樂解釋戒甜食十多年的原因：「甜真係對身體唔好，容易有炎症，但偶爾都要食吓。我覺得人天生有五味感覺，唔可以cut咗其中一樣，人生裡頭都有甜酸苦辣。甜對身體係唔好，但唔係夾硬cut咗，應該保留少少。以前唔飲汽水，近兩、三個星期都會飲吓。」

被唐詩詠問到人生至今最甜的一件事時，古天樂一臉無語望住對方，才表示：「只要我咁樣唔出聲，佢就會自己答。」唐詩詠問：「又話會答任何問題。」古天樂比起游水更喜歡跑步，但好少出街跑，又笑言自己「潛水」比較叻。古天樂指游水、跑步都是肌肉鍛鍊，潛水是另一個世界，而世界會變得好靜，裡面好似完全無聲，似去外太空一樣。

古天樂沖涼只用3分鐘

當唐詩詠追問：「你本身自己一個人，係咪都係鍾意自己一個人多啲？」古天樂似被觸發笑點，笑到彎腰道：「呢個問題好深奧，都好哲學。」又指唐詩詠好搞笑。唐詩詠繼續認真問：「咁你鍾意一班人定獨處多啲？」古天樂認為在不同場合會有不同相處方式：「即在好開心嘅慶功宴，我唔可以話，唔得，我要五分鐘獨處。」

對於有人喜歡在洗澡時思考，古天樂表示不會，又自爆沖涼只用3分鐘時間，令唐詩詠及練美娟大感意外並問：「乾唔乾淨？」古天樂反問二人：「我唔知點去證實乾唔乾淨，我就覺得好乾淨，點呀？」

提到電影版《尋秦記》中項少龍有三位紅顏知己，古天樂直言如果要揀一個人長期相處：「隨住大家經歷、年紀增長，相處都會一直改變，所以唔可以揀到一個答案。」不過古天樂自揭女仔有幽默感較吸引：「我都好少見女仔幽默，不過都有嘅，（吳）君如就係，我哋兩家嘅阿媽friend到不得了，點會夾唔到。兩家人嘅爸爸又認識，係世交。其實君如最強嘅幽默感，就係咩都笑一餐，可以坐喺度笑15分鐘。」

古天樂自我管理嚴格

被問到是否鍾情「愛笑嘅女仔」？古天樂承認不錯：「幾好㗎，我覺得當一個人會笑，起碼係正能量，不過宣萱並唔幽默，但正能量，咩事都會開心。如果做訪問，佢係隔籬會好嘈。」古天樂又指宣萱相處好簡單，雙方沒有對對方是異性，而圈中好友男的是劉青雲，女便是宣萱。

問到古天樂「最核心問題」有甚麼要戒？古天樂以哲學角度分析：「有日有人同我講，你連自己都管理唔好自己，點管理自己嘅人生，即係點管理自己間公司。我覺得唔係用戒，而係點去管理，剛才話甜嘢都會食少少，淺嚐都可以。管理係一件事，戒係一件事，即唔好沉迷賭博，唔好吸毒，要戒。所以你問得好，呢個問題有水準。」

古天樂父親家教好

古天樂自爆家教嚴，從小已十分自律：「爸爸細個教得好好，他經常講，好心啦！少說話，多做事。做唔到就唔好講，所以少說話多做事最緊要，做咗幾多，人哋係會睇到，係人哋話畀我聽。」古天樂慎言外，對選擇朋友亦十分謹慎：「去到我呢個階段，我都諗咩係朋友呢。」唐詩詠解釋「朋友定義」，古天樂又讚主持：「而家氣氛好似《今夜不設防》。」練美娟開心表示覺得自己表示有水準。