大埔宏福苑五級火｜搭港鐵睇大火新聞 廿歲仔流下男兒熱淚 網民同悲：哭，不代表軟弱｜Juicy叮
發佈時間：13:26 2025-12-01 HKT
大埔宏福苑五級大火，一個個燃燒的窗框，都是無情的烈燄正張狂地吞噬家園。港鐵車廂內，一名高個子青年盯著手機屏幕，看著看著，湧出男兒熱淚。瞥見陌生人通紅的雙眼，身旁的女乘客在網上有感而發，溫柔又堅定的認為「哭，不代表軟弱」，並「希望大家好好照顧自己」。詳情見下圖及下文：
大埔宏福苑五級火｜搭港鐵睇大火新聞 廿歲仔流下男兒熱淚逐張睇↓↓↓↓
用手袖擦鼻 雙眼通紅
樓主日前在社交平台Threads以「大埔火災」為題上載相片發帖，分享大火災後在港鐵上目睹的一幕。據樓主描述「今日（28日）放工時間，我身旁站著這個卡其拉鍊外套嘅男生，大家如常低頭看著手機，然後佢用外套的手袖擦擦鼻，我以為佢傷風流鼻水，然後佢又用手掌捽捽兩邊面頰」。
樓主續稱「嗯⋯⋯我心裏一沉，抬頭瞄一眼這個比我高嘅男生，大概20尾至30頭的歲數，而佢⋯⋯雙眼通紅，我瞄一眼他手機的屏幕，是火災的新聞」。面對此情此景，樓主想到「我叮一聲有諗過遞紙巾俾佢，但又諗佢會唔會好尷尬，而且需要啲空間」。
樓主：哭，不代表軟弱
最後，樓主有感而發「我真係好想同佢講，同所有人講，暫時唔睇，唔代表唔關心，哭，不代表軟弱，只代表你是個人，希望大家好好照顧自己。#集體創傷 #心理健康」。
災難當前，為事件湧出的每一滴淚，都彷彿在訴說著——你的痛，我看得見。對於樓主遇到的境況，有網民認為「可以遞紙巾但唔好望住佢就會好啲」，並分享自身經歷，指「呢兩日都喺巴士睇報道時眼濕濕，真係情緒會好波動」，認同「暫時唔好睇，比自己調整吓先」。
網民：香港人有愛
另有網民表示「今日搭車睇到都流睙」。更有網民提到，收工時打開電話，看到其中一對夫婦的報道，那位先生「喊到話想搵返父母，無論係生定係死」，讓她「喺巴士都忍唔住喊咗出嚟」，並鼓勵大家「真係有咩都唔好忍，喊出嚟會舒服啲……願所有人安好🙏🏻」。
有人則提及自己曾有一次在港鐵上「突然喊，但喊唔出聲，只有淚」，隨後「有個人遞包紙巾比我」，對此感到十分溫暖，「同意香港人有愛」。有感於此，有網民也表示「唔緊要！我們愛香港，我們可一起流淚！流下我們同愛同心的淚！」。
資料來源：hofeif＠Threads
相關熱話：
大埔宏福苑五級火｜接載4長者到沙田暫住 災民落車前：我哋依家乜都無晒啦 司機心酸不懂回應
大埔宏福苑五級火｜屯門馬路現「催淚」車尾！巴基斯坦司機貼兩張暖心告示 後車車主：第一次揸車眼濕濕
大埔宏福苑五級火｜地盤出最辣禁煙令！不止罰款 捉到即時趕出門 網民：一早就應該
大埔宏福苑五級火｜街頭路人近日多穿素色衫 市民心水清發現 網民感動：香港人默契
大埔宏福苑五級火｜困濃煙密佈單位不離不棄 印傭守護婆婆拍片求救 網民：好心痛
大埔宏福苑五級火｜港鐵女乘客為巨災落淚 獲好心人遞紙巾安慰 對望之間一切盡在不言中
大埔宏福苑五級火｜管理員冒險敲門喊火燭 住戶感謝救命之恩 網民致敬：無名英雄
大埔宏福苑五級火︱女子救兩貓離險境 傳授實用寵物撤離方法 欲哭無淚：發咗場超級世紀噩夢
大埔宏福苑五級火｜全城送暖人鏈運物資 網民：港人幾時都咁有愛
大埔宏福苑五級火｜宏福苑居民最痛自白 廿年成長痕跡一夜清零 字字泣血全網動容：「This is my first death」
大埔宏福苑五級火︱火場勇救九貓一狗 消防員被高溫燻紅了臉照片熱傳 網民感激不放棄每個生命：英雄！
