Juicy叮｜司機違規行快線遭警截停辯稱「揸10年車都唔知」惹議

港聞

更新時間：17:58 2022-02-24 HKT
發佈時間：17:58 2022-02-24 HKT

道路安全規則要遵守，然而一名女司機在高速行駛期間違規行駛快線，被警員發現後截停罰款。這名女司機大感不滿，將事件放上社交平台洩憤，卻引來網民批評。

這名女司機在IG的限時動態上表示：「成條高速公路都無車，都可以唔見咗$450。行行吓俾警車截停咗我，以為咩事，佢話『小姐你違反咗高速公路條例，你左邊兩條線無車，你係唔可以行快線的』。我話『揸10幾年車真係唔知』，佢話『唔得㗎，你左邊要有車先得㗎』。跟住唔使扣分，俾佢罰咗$450。成件事我覺得好夾硬嚟，啲警察係咪得閒得滯！」

有關限時動態經分享後引起不少網民批評，指這名女司機「咁基本都唔知，應該重新考過」、「仲話揸10幾年車，今次只係小小教訓」；亦有人笑言「揸左10年車都唔知快線用途，都係搭巴士算啦」、「賺到啦，揸咗10幾年車而家先俾人捉」。

根據《道路交通(快速公路)規例》，高速公路上汽車的駕駛人，須只在該快速公路車路的最左線駕駛車輛；超車或行車線有所改變則屬例外情況，但駕駛人須在合理切實可行範圍內，盡快在不損害高速公路其他使用者的安全下，將車輛靠左行駛。

資料來源：FB群組「小心駕駛(討論別人同駕駛態度)」

立即下載｜全新《星島頭條》APP：https://bit.ly/3yLrgYZ