64歲《愛·回家》演員首登小紅書擁超高人氣 逾千內地網民留言：大神級別 擁碩士學位獲頒榮譽院士銜
發佈時間：15:30 2025-05-28 HKT
現年64歲的鍾志光（鍾仔）自1980年代入行至今，一直是TVB的超敬業代表人物，由於他既是體育評述員又是演員，因此被網友笑稱是「萬能鍾」。鍾志光近日首次在小紅書個人官方帳號分享影片，獲得逾千條內地網民留言，當中不少人提到他在《愛·回家》中佳叔一角，亦有人大讚他大神級別的體育評述員，大受歡迎。
鍾志光日前首拍片上載小紅書
鍾志光早前宣布正式在小紅書上開設個人官方帳號，他拍片向網民作自我介紹時說：「做咗演藝圈幾廿年，好朋友就話，喂有本書好正，咩書啊？原來叫小紅書，但係原來呢度要同人講下嘢，同大家say吓hello，或者再提醒啲記憶畀大家，有冇睇《反黑英雄》嗰套劇啊？我咪戴sir囉，再講你都唔知啊？喂，奧運呢，你又記唔記得啊？奧運我就梗係坐喺度同大家講，各位觀眾，歡迎大家嚟欣賞奧運，喂，仲有世界盃喎，我講咗咁多，你都唔知我係邊個？唔係吓話，嗱！唔緊要，我嚟咗小紅書㗎喇，以後我會同大家多啲傾吓偈，將啲生活點滴啊，工作情況呢，po畀大家睇吓，咁大家睇多啲，咪知我係邊個囉。」
鍾志光獲內地網民盛讚：鍾院士
鍾志光的首段影片，短時間內吸引逾千網民留言，留言量多達千多條。而鍾仔亦非常「識玩」，有回應網民留言與粉絲互動，非常親民。不少網民留言笑指鍾仔是《愛·回家》的「佳叔」，亦有網民大讚他是「最強講波佬，大神級別」，更有網民稱呼他為「鍾院士」，在小紅書上擁超高人氣。
鍾志光年初獲頒「演藝人大獎」
其實鍾志光在內地人氣一向不低，他早在1980年代入行，經常為TVB的體育節目擔任評述員，近年較為人所知的電視角色則是《愛·回家》中的佳叔一角，形象可愛又親民。而且鍾仔是早年少數擁有極高學歷的演藝人員，鍾志光先後獲得葛量洪教育學院體育文憑、香港公開大學人文學科榮譽學士、香港大學中國語言及文學碩士及香港中文大學哲學文學碩士，並於2024年獲香港教育大學頒發榮譽院士銜。另外，鍾志光更在今年初舉行的《萬千星輝頒獎典禮》中獲頒「萬千星輝演藝人大獎」，由TVB總經理曾志偉上台頒獎，表揚鍾仔多年來對演藝圈的貢獻。
