港女北上蓮塘按摩誤入黑店 慘痛經歷提留意「水牌」一特徵：「睇下有冇ＸＸＸ先好入去！」｜Juicy叮
發佈時間：11:24 2025-05-29 HKT
有港女在蓮塘口岸誤入黑店按摩，她和家人朋友一行4人，慘被當水魚劏，她事後公開中伏經歷，並提示北上按摩的一項重要避雷指標，坦言：「冇諗過咁企理嘅店舖都會係黑店！」
她以今次親身經歷，提醒網民光顧按摩店前，要留意店家「水牌」有沒有一重要特徵：「去按摩都係先睇下間嘢有冇先好入去！」詳情如下：
港女北上蓮塘按摩誤入黑店 慘痛經歷提留意「水牌」一特徵：「睇下有冇ＸＸＸ先好入去！」↓↓↓↓
女事主本周一（26日）在「深圳大陸吃喝玩樂交流」FB專頁發帖，公開她在蓮塘口岸按摩中伏的經歷。
女事主當日因為「泊咗車喺蓮塘，趕時間返去」，「諗住近近哋」光顧蓮塘口岸的按摩店。她光顧的是一間標榜中醫按摩的店舖，該店舖裝潢「企理」，她表示：「我都估唔到有黑店，點知真係有。」
按摩半小時即推銷3千元套票
她光顧按摩時間為70分鐘，主要按身，當按摩了半小時，該技師「話放啲中藥喺我背脊度，話幫我驅寒」，之後即向女事主推銷三千多元的套票：「叫我買套票三千幾（蚊）。」
女事主「話唔需要」拒絕買套票，並要求技師拿走放在她背脊的中藥：「（我話）好熱皮膚敏感唔可以放中藥喺背脊。」該技師拿開中藥後，即「自己行咗出房」。女事主當時「冇著衫」，隔了十分鐘後，她見該技師未有再出現，於是致電隔壁房間的家人查問「個師傅去咗邊」。
家人告知原來按摩已完結，女事主這時才驚覺「揼完」，原定70分鐘按摩，只做了30分鐘，在女事主拒絕買三千多元套票後即被完結。
出口術埋單收費突變貴：真係估唔到仲有呢啲黑店
女事主只好無奈付款走人，她表示，光顧前曾問「按身」收費多少，被告知每位收138元，誰料埋單時，該店職員竟又表示，每位收三百多元，價格突然「貴咗」，她們一行4人共被收費逾千元。
女事主表示，入店時，店家表示有送免費試按，她不貪小便宜拒絕免費，並問明按身的價錢為138元後才光顧，結果「咁都中伏」：「真係估唔到而家都仲有呢啲黑店。」
女事主最後亦有無奈付款：「唔畀，點知佢會唔會無啦啦搵人揼我。」「算啦埋單四個人一千蚊畀佢，呢間舖頭都唔係做回頭客生意。」
今次事件，女事主坦言「係條氣有啲唔順，因為佢講嗰個價錢，同佢收個價錢唔係一樣」。她特別指出，當日她「直接上去問」店家價錢，是由於該按摩店的水牌「冇顯示幾多錢」，「就係原來佢冇價錢牌......到埋單三百幾，佢（店家）話我哋呢度冇價錢牌」。因此，她提醒網民光顧前，要留意水牌有無列明價錢：「講真如果唔係呃，點解佢冇個價錢牌，總知冇價錢牌既店唔好入，佢話幾多就幾多」，女事主一再呼籲「大家小心」：「去按摩都係先睇下間嘢有冇價錢牌先好入去」，否則最後變成價錢「任佢講」而被劏。
網民：可電12315熱線投訴
網民紛紛留言熱議事件，有網民指該店評價不太好：「其實果間嘢都好多負評。」「這間出名黑店。」部分網民建議樓主，可在內地知名消費平台給該店負評，以提醒其他人免中伏。
有網民建議事主可致電內地消費者投訴電話「12315熱線」：「如果情況屬實，你只要報警，再打12315，佢就玩完。」
不少網民認同事主所言要光顧水牌有列明價格收費的按摩店，明碼實價才不會被人坐地起價。有網民又提醒不要貪小便宜，相信一些店家「免費試按」的服務，「就算是免費，我一一拒絕，因為到最後佢哋有一千個理由要收費，重收得好貴。」
同場加映：網民實測深圳蓮塘「盒裝燒肉」烚起狂發脹 港業界懷疑是「ＸＸＸ肉」↓↓↓↓
