前TVB女星爆子女移民後變化大認溝通唔到：可唔可以講返中文靠當地人「誤會」重拾自信

更新時間：21:00 2025-05-28 HKT
發佈時間：21:00 2025-05-28 HKT

41歲前《東張西望》主持容羨媛去年一家移民加拿大，一對子女很快已適應當地生活。不過容羨媛卻自爆子女變化大，令她跟不上！容羨媛日前在YouTube分享近況，指早前老公已由香港到加拿大團聚，而女兒多番跟她表示移民後的生活非常開心，令她非常感動。容羨媛表示：「佢話而家真係好開心，雖然喺香港有另一番開心，但喺度都好開心。」

容羨媛子女已融入加拿大生活

容羨媛指最初子女都曾表示很想念香港的朋友、食物，她說：「佢真係一日講4次，每次維持3分鐘。到而家佢其實已經冇講喇，再聽到佢講就係話好開心喺度識到新朋友。」至於細仔是否已融入加拿大的生活，容羨媛表示：「大家都見到佢成個鬼仔咁，一頭攣髮，啲人成日話我好似多咗個女。首先，呢個髮型係佢自己要求，要留長頭髮，死都唔肯剪，我唔知點解，後來有個朋友話，係呀，加拿大啲小朋友係咁樣。所以從佢外表就知，佢已經完全融入呢度生活。」

容羨媛爆子女移民後變化大？

容羨媛聽不懂子女的用字

現時一對子女在家中都是以英文溝通，有時連容羨媛也跟不上，她表示：「我係成日都話『即係咩呀、你可唔可以講返中文呀、咩意思呀』，因為佢哋好多年輕人術語，或者係short form，我希望我都可以拍返條片同大家一齊解構呢啲術語。」而容羨媛亦在當地認識到很多新朋友，更因為當地人的誤會而令她重拾自信，「我哋呢啲asian charms，我識咗好多外國朋友，佢哋一睇係完全唔相信我係41歲，我覺得嚟到呢度，簡直建立咗自信心，佢哋覺得我係20幾歲。」更表示對於她已有兩名子女感到驚訝。