周吉佩廣州首度開騷 玩泡泡槍「喊包三兄弟」眼濕濕重聚舞台
發佈時間：15:15 2025-07-14 HKT
「中一冠軍」周吉佩（吉吉）在廣州增城舉行《周吉佩夏日音樂會》，今次是吉吉首次在廣州舉行音樂會，全程又唱又跳，先以《Para Para Sakura》打開序幕，更出動私火泡泡槍射向觀眾，令全場氣氛即時升温，之後又連續唱出多首經典金曲《夏日寒風》、《我恨我痴心》、《餓狼傳說》。吉吉更邀請兩位中聲戰友顏志恒與魏嘉信作為特別嘉賓，重現「喊包三兄弟」，三人更合唱比賽時的經典作品《燕尾蝶》引發全場沸騰。
「喊包三兄弟」吉吉眼濕濕深情表白
三位合唱《最佳損友》後，有一個互動環節，雖要互相大爆對方秘密，吉吉大爆：「魏嘉信平時只報喜不憂，希望你唔好咩都唔講。Benson就成日唔瞓覺，好擔心你身體。」之後吉吉更眼濕濕讀出深情對話：「Cris，你係我朋友中接近最好嘅一批，你嘅好係一個字形容得晒，就係真！唔好成日怕唔好意思，有心事一定要揾我哋傾，出面人未必明，但我哋一定明！放心，無論將來係點，我哋喊包大佬同細佬一定撐你撐到底。Benson，同你嘅相識可以話係相逢恨晚，我哋3個之中最感性嘅係你，最表達嘅係你，對唔住我成日缺席大家嘅聚會，有時如果唔係你嘅主動，大家未必成日會見或保持到聯絡，不過我唔會變𠺢，要辛苦你繼續維繫大家感情。對住你，唯一得一樣嘢叫你做嘅，就係希望你多啲瞓覺，唔好捱咁多夜，鐵人都會倒下𠺢！」 他更透露未來希望三人能共同舉辦專場演唱。其後吉吉繼續唱出多首個人作品《你是我唯一的》、《GUTS》、《Money》、《Falling for you》、《第三人生》
相關閱讀：周吉佩5百歌迷於高鐵站齊聲吶喊 共同啟動「吉吉專列」起步禮 打開廣州之旅序幕
飛加拿大演出，目標大灣區及馬來西亞巡迴
繼香港、澳門和廣州演唱會之後，吉吉已表態期待帶歌迷前往更多地方演出：「期待再同佢哋出發去其他地方，例如馬來西亞，因為想去食榴槤！」9月底更出發加拿大登台演出。吉吉更表示將留廣州數天帶家人放下暑假，吃喝玩樂一番。
相關閱讀：大師兄Welcome Summer大激戰丨顏米羔頭埋濕身龍婷胸前 支嚳儀與東張女神輪流除衫彈彈吓
