影壇猛人陷人生谷底欲尋死：諗過點樣死法 經歷七世人生「唔知為乜」 曾是星爺御用班底
發佈時間：09:00 2025-08-31 HKT
現年64歲、人稱「田雞」的田啟文在18歲時加入電視圈，當時他到麗的電視當臨時演員，雖然受到爸爸的極力反對下，不過田啟文堅持當全職臨時演員並離家出走，為了多賺收入與參演機會，他主動爭取成為臨時演員公司的領班，後來田啟文轉戰幕後，學懂了一些服裝管理、化妝、剪接、拍攝等技巧。
不過田啟文最令人熟悉，當然是在《九品芝麻官》中飾演肺癆鬼的「戚家大少爺」與及《少林足球》中「三師兄」，瓣數多多的田啟文，近年不時代表電影圈發聲，近日田啟文接受訪問，正能量滿滿的田啟文，原來曾經試過出因迷茫而有過自殺念頭。
相關閱讀：田啟文不知道鄭中基辦離婚 認《阿龍》宣傳有顧慮 讚姜濤為粉絲護航回答大方得體
田啟文日前接受YouTube頻道《會八十》的訪問，從小立志入娛樂圈做演員田啟文：「喺娛樂圈做演員，係經歷緊三世嘅人生，我起碼有七世，所以做演員係好大嘅挑戰同動力。」田啟文又透露曾出現迷茫期：「我有一刻係迷茫，想過自殺，嗰陣做緊電影，唔知知自己為乜，搵唔到動力，只係諗其實我留喺度，都冇人會關心，除咗我屋企冇人拎錢返去之外，係冇人care。我又有買保險，如果我死咗有錢賠，屋企唔使擔心，你留喺世上有乜嘢用先？係冇。」
田啟文續說：「我都有諗過點樣死法，只係未諗到，冇諗過燒炭係咁舒服，想跳樓又畏高，跌落嚟一pat。想割脈怕痛、又怕見血，嗰陣係我人生嘅谷底，又畀人話我挾帶私逃，搞到嗰刻就有嗰啲諗法。」經過細心思考，可能同四面佛有關，他說：「我去過拜四面佛，全部應驗晒，偏偏冇還神，所以等自己好番就去還神，跟住就冇嘢。我唔係叫人迷信，但係呢個只係我嘅經歷，跟住年年都拜，但係冇再祈求啲乜嘢。」
相關閱讀：徐少強逝世丨細30歲內地妻為亡夫辦身後事期間離世 田雞證實消息：心臟病走咗
自殺求助熱線：
「情緒通」精神健康支援熱線：18111
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
賽馬會青少年情緒健康網上支援平台「Open 噏」：http://www.openup.hk
