港女唐記買包遇「荒謬夾單」 陌生漢突然揚聲加買一樣嘢 職員見慣親解原因｜Juicy叮
發佈時間：11:02 2025-08-31 HKT
一名女子早前到唐記包點買包，卻遇上「最荒謬的夾單」，身旁一名陌生男子突然揚聲要加買一樣嘢，令她哭笑不得。在網上反映情況後，有估計是職員的網民現身說法，指工作期間不時目睹同類事件，形容「依個情況好普遍」，並解釋當中的原因。詳情見下圖及下文：
港女唐記買包遇「荒謬夾單」 陌生漢突然揚聲加買一樣嘢逐張睇↓↓↓↓
陌生男：要個菜肉包
樓主本月27日早前在社交平台Threads上載手持唐記包點的相片發帖，以對話方式複述事發時的情況：
「頭先喺唐記買嘢食，姨姨pack（包）好之後循例問吓仲有冇嘢要？我準備講冇嘅時候 ，隔籬有個男無端端出聲！
👦🏻: 有呀，要個菜肉包。
👧🏽🧑🏻: ?????????????（👀🤔😦一百個問號）
🧑🏻: 一齊㗎？🤨
👧🏽: 唔係🙂。
🧑🏻: 🙂🙂🙂😑😑😑（對住個男）
最荒謬嘅夾單」。
購物相關閱讀：太古城大媽超市放肆揀蛋 逐隻攞嚟睇都唔夠 網民因一舉動看不過眼 提供買靚蛋不敗妙法
網民：順便叫多幾樣後數
回應的網民想到不同的情景與樓主交流：
網民甲：想請你食。
樓主：好有愛。
網民丙：我會跟手話～～～後數。
樓主：有feel（感覺）。
網民丙：你話係呀嘛，你順便叫多幾樣，叫佢俾埋錢。
樓主：應該落多個拼盤小食！
有估計是職員的網民現身留言解開謎團，指「其實依個情況好普遍」，因很多客人用把聲嚟打尖，「前面個客都未落晒單，就喺後面嗌上嚟打尖」。
購物相關閱讀：網民實測深圳蓮塘「盒裝燒肉」烚起狂發脹 港業界懷疑是「ＸＸＸ肉」
網民遇上心急客人
不少網民也曾遇上類似的心急客人，表示：
購物相關閱讀：啟德街市現「科技魚頭」？港媽買魚頭驚覺1處不尋常：很可能是科技與狠活魚！網民揭真相
•俾錢嗰陣明明唔係收緊佢，都夾硬擺張八達通嚟落部機度，俾埋你嗰份都成日發生。
•喺超市，你想俾錢嗰陣時，有人喺你後面係咁塞晒佢啲shopping（購買物品）上前，仲要霸住八達通俾錢位，我即刻串佢：「我唔介意你幫我俾埋㗎，多謝！」。
•上星期喺圍方買麵包俾錢，條隊得我一個，即是無人啦，後面無啦啦殺出個男人，佢擺埋佢個包落嚟，係放埋我包一齊。收銀阿姐，佢「嘟」埋佢個包，我好多時唔望就拍卡走。應該個男人係有準備要俾錢嘅。
該網民接著補充：佢（收銀阿姐）「嘟」完2個已經截咗佢啦，void（取消）單。宜家唔入袋，通常手勢，放低個包，拍卡，拎起個包，走。
資料來源：t.h.a.i.yan_0404＠Threads
相關閱讀：自稱天水圍話事人 赤膊阿叔大鬧唐記包點 斥無畀「叉」露肌找晦氣 商場保安1招壓制↓↓↓↓
有阿叔7月8日赤膊露肌大鬧天水圍一間唐記包點，他怒斥回家後發現職員無畀「叉」折返，目擊者稱阿叔自稱天水圍話事人，商場保安其後介入。事發於天水圍天澤商場，事發過程如下↓↓↓↓
