前TVB男星靠關係坐VIP睇GD澳門演唱會被嘲暗星網民得知背景超驚訝：原來後台咁勁

更新時間：15:30 2025-06-10 HKT
發佈時間：15:30 2025-06-10 HKT

「50億駙馬」吳家樂2023年離開TVB，近年成為YouTube節目《娛樂好好玩》主持，間中都引起話題。吳家樂爸爸是一名商人，家境富裕，他更是電視界猛人何麗全的舅仔。不過吳家樂更為人熟知的背景，必定是其士集團太子女周蕙蕙的老公，但年輕人或許不太了解他有多猛料，日前他靠關係得到韓國天王G-Dragon（權志龍、GD）演唱會澳門站的門票，更獲安排坐VIP包廂，即時引來網民妒忌，更嘲他是暗星。

吳家樂靠關係看G-Dragon演唱會

G-Dragon最近舉行巡迴演唱會，各地場次都一票難求，吳家樂日前被網民在澳門捕獲，他透露買不到G-Dragon演唱會門票，但同日他在社交平台表示靠關係入到場。吳家樂表示：「原本諗住放棄，點知突然收到一個娛樂圈中人脈勁、勢力大嘅明星朋友電話，給我和太太一個驚驚驚喜，可以睇到G-Dragon澳門站演唱會。最驚喜係仲有包廂VVVIP座位。」他更特別點名為他拿到門票的人：「多謝大明星朋友梁思浩出咗一張咁大嘅王牌，和Josephine全程安排和照顧。」

吳家樂靠關係獲G-Dragon演唱會門票掀討論？

網民嘲吳家樂暗星

有搶不到門票的粉絲在Threads上載吳家樂的帖文，表示：「除咗贊助商……娛樂圈都係最大黃牛，個個都有飛去睇。香港場……唔駛指（旨）意買到，一開場啲記者又會影到邊X個『偽人』黎（嚟）咗。」似乎對於藝人較易得到門票感不滿。不過有人表示，其實吳家樂背景好猛料，則有網民驚訝：「以為係暗星，原來後台咁勁。」但都力撐吳家樂與太太為人：「但佢哋都好低調嘅」、「佢後台有份量，不過佢唔會因為老婆勁，而扮嘢，作風低調，但係都吹水個堆」。

網民：呢個世界好現實

不少網民更反斥某些妒忌明星有門票入場的粉絲：「佢地（哋）唔洗錢買都叫黃牛？」、「唔關黃牛事，係行內人互相比（畀）面，一向都係咁。你可以話係合法利益輸送，但佢地（哋）唔係炒飛，就算奀星開show，頭排永遠都係自己人坐」、「包廂唔係有錢就買到位，所以唔存在你講嘅問題」、「只可以怪自己唔係KOL喺PR眼中係Nobody，冇嘢好羨慕」、「呢個世界好現實的，有錢有地位唔洗（使）開口都大把人送飛賣人情比（畀）你」、「明星唔可以係Fans咩」、「怪自己窮囉」。