前TVB男星靠关系坐VIP睇GD澳门演唱会被嘲暗星网民得知背景超惊讶：原来后台咁劲

更新时间：15:30 2025-06-10 HKT
发布时间：15:30 2025-06-10 HKT

「50亿驸马」吴家乐2023年离开TVB，近年成为YouTube节目《娱乐好好玩》主持，间中都引起话题。吴家乐爸爸是一名商人，家境富裕，他更是电视界猛人何丽全的舅仔。不过吴家乐更为人熟知的背景，必定是其士集团太子女周蕙蕙的老公，但年轻人或许不太了解他有多猛料，日前他靠关系得到韩国天王G-Dragon（权志龙、GD）演唱会澳门站的门票，更获安排坐VIP包厢，即时引来网民妒忌，更嘲他是暗星。

吴家乐靠关系看G-Dragon演唱会

G-Dragon最近举行巡回演唱会，各地场次都一票难求，吴家乐日前被网民在澳门捕获，他透露买不到G-Dragon演唱会门票，但同日他在社交平台表示靠关系入到场。吴家乐表示：「原本谂住放弃，点知突然收到一个娱乐圈中人脉劲、势力大嘅明星朋友电话，给我和太太一个惊惊惊喜，可以睇到G-Dragon澳门站演唱会。最惊喜系仲有包厢VVVIP座位。」他更特别点名为他拿到门票的人：「多谢大明星朋友梁思浩出咗一张咁大嘅王牌，和Josephine全程安排和照顾。」

吴家乐靠关系获G-Dragon演唱会门票掀讨论？

网民嘲吴家乐暗星

有抢不到门票的粉丝在Threads上载吴家乐的帖文，表示：「除咗赞助商……娱乐圈都系最大黄牛，个个都有飞去睇。香港场……唔驶指（旨）意买到，一开场啲记者又会影到边X个『伪人』黎（嚟）咗。」似乎对于艺人较易得到门票感不满。不过有人表示，其实吴家乐背景好猛料，则有网民惊讶：「以为系暗星，原来后台咁劲。」但都力撑吴家乐与太太为人：「但佢哋都好低调嘅」、「佢后台有份量，不过佢唔会因为老婆劲，而扮嘢，作风低调，但系都吹水个堆」。

网民：呢个世界好现实

不少网民更反斥某些妒忌明星有门票入场的粉丝：「佢地（哋）唔洗钱买都叫黄牛？」、「唔关黄牛事，系行内人互相比（畀）面，一向都系咁。你可以话系合法利益输送，但佢地（哋）唔系炒飞，就算奀星开show，头排永远都系自己人坐」、「包厢唔系有钱就买到位，所以唔存在你讲嘅问题」、「只可以怪自己唔系KOL喺PR眼中系Nobody，冇嘢好羡慕」、「呢个世界好现实的，有钱有地位唔洗（使）开口都大把人送飞卖人情比（畀）你」、「明星唔可以系Fans咩」、「怪自己穷啰」。