農曆新年裝飾+賀年糕點+禮盒推介
數數手指，仲有半個月就到農曆新年，我都開始預備年貨了。為大家介紹一啲唔錯嘅糕點、新年裝飾同美食禮盒，愛儀式感嘅朋友們可以考慮一下。
新年裝飾
IKEA今年推出農曆新年限定系列 KUNGSTIGER，以賀年老虎同埋富貴吉祥嘅牡丹為設計概念，當中有幾件單品我特別鍾意。
首先係紅色靠枕老虎($149.9)，將佢放喺梳化，可愛度爆燈，馬上成為全場亮點！
紅色靠枕老虎（圖片來源：IKEA）
再加埋紅色燈籠($29.9)、賀年全盒($199.9)同埋老虎圖案嘅門口墊，簡單裝飾一下，已經令屋企充滿新年氣氛！
紅色燈籠（圖片來源：IKEA）
賀年全盒（圖片來源：IKEA）
老虎圖案門口墊（圖片來源：IKEA）
如果親友嚟屋企拜年，可以用瀝水餃子碟，中間的瀝水層令餃子唔駛浸住啲水，搞到發脹。同樣道理，如果用佢嚟放煎糕，可以隔走多餘油份。又好睇又實用！
瀝水餃子碟（圖片來源：IKEA）
本身IKEA嘅裝飾價錢都算平民價，如果單一購物傢俬傢飾滿$2,000，仲會有IKEA現金券 $200一張，抵上加抵！
官網及售賣詳情請【按此】
賀年糕點
除咗裝飾，賀年糕點都係我每逢農曆新年最期待之一！
8度海逸酒店
8度海逸酒店今年再推出一系列自家製傳統盆菜同埋賀年糕點，除咗一向大受歡迎嘅如意瑤柱臘味蘿蔔糕同埋清甜精緻的金箔燕窩桂花糕，仲有全新嘅鴻運十勝紅豆年糕同特式黃金椰汁馬蹄糕。
8度海逸酒店賀年糕點（圖片來源：8度海逸酒店）
為食嘅我已經等唔切試過蘿蔔糕同埋紅豆年糕，前者好足料，慢火一路煎，香噴噴嘅瑤柱、臘味鹹香味溢出，而且蘿蔔同其他食材嘅份量控制得好，唔會出現一切就散開嘅情況。
如意瑤柱臘味蘿蔔糕（圖片來源：8度海逸酒店）
後者覺得紅豆同年糕出奇地配搭，而且加咗紅豆嘅年糕，比起淨年糕冇咁甜同癡牙同漏，有驚喜！
鴻運十勝紅豆年糕（圖片來源：8度海逸酒店）
官網及售賣詳情請【按此】
半島酒店
另外，半島酒店米芝蓮星級中菜廳嘉麟樓都推出一系列糕點，當中有人氣嘅「蒸蒸日上」棗皇糕($388)！以椰汁糕作夾心，紅棗糕甘甜香醇且帶椰子清香，口感香滑軟糯，兩種香甜互相交織，鍾意食甜嘢嘅朋友不容錯過！
「蒸蒸日上」棗皇糕（圖片來源：半島酒店）
官網及售賣詳情請【按此】
帝京酒店
而帝京酒店嘅瑤柱臘味蘿蔔糕($198)以白蘿蔔配上矜貴瑤柱同埋惹味臘味，無論煎或蒸都好食，足料矜貴嘅蘿蔔糕特別適合送比長輩。
瑤柱臘味蘿蔔糕（圖片來源：帝京酒店）
官網及售賣詳情請【按此】
美食禮盒
Food Union - Ekselence
過年想再開心啲，我就鍾意狂食雪糕，趁著放假，有個藉口比自己放縱一下。
Ekselence節日禮盒（圖片來源：Food Union）
第一次試食北歐雪糕品牌Food Union旗下嘅品牌Ekselence嘅節日禮盒，一試愛上，因為覺得佢嘅雪糕口感比較有質感，而且味道香濃，亦唔會有一種「死甜」嘅感覺。
Ekselence節日禮盒(節日優惠: $398／盒)一次過試到2盒家庭裝雪糕系列、 1盒雪皅雪糕系列、 1盒雙層脆皮雪糕３件裝同埋1盒咖啡雪糕3件裝，啱晒一班朋友嚟拜年，或者夜深人靜，自己一個煲劇食雪糕享受Me-Time。
官網及售賣詳情請【按此】
龍島
龍島推出一系列 “Floral Awakening” 以春日節慶花卉為主題嘅新春限定賀歲禮盒，備有唔同配搭。
春意盎然新春三層尊貴禮盒（圖片來源：龍島）
其中我推介春意盎然新春三層尊貴禮盒($698)，佢包裝精緻，包括多款小食、朱古力同新春限定茶葉，用嚟送禮大方得體。
打開盒蓋係立體切割嘅蘭花圖案同龍島嘅標誌，寓意新一年豐盛繁榮。頂層有8款唔同口味嘅龍島手工朱古力，集齊經典同節慶之選；第二層係曲奇同千層酥，更特別加入咗新春限定嘅桃花綻放曲奇同埋歡聚團圓曲奇；下層係適合搭配甜點享用嘅玫瑰茉莉花茶同桂花烏龍茶。
官網及售賣詳情請【按此】
大家今年預備咗啲咩過年呀？祝大家新一年身體健康、笑口常開、虎年行大運！
