农历新年装饰+贺年糕点+礼盒推介
数数手指，仲有半个月就到农历新年，我都开始预备年货了。为大家介绍一啲唔错嘅糕点、新年装饰同美食礼盒，爱仪式感嘅朋友们可以考虑一下。
新年装饰
IKEA今年推出农历新年限定系列 KUNGSTIGER，以贺年老虎同埋富贵吉祥嘅牡丹为设计概念，当中有几件单品我特别钟意。
首先系红色靠枕老虎($149.9)，将佢放喺梳化，可爱度爆灯，马上成为全场亮点！
红色靠枕老虎（图片来源：IKEA）
再加埋红色灯笼($29.9)、贺年全盒($199.9)同埋老虎图案嘅门口垫，简单装饰一下，已经令屋企充满新年气氛！
红色灯笼（图片来源：IKEA）
贺年全盒（图片来源：IKEA）
老虎图案门口垫（图片来源：IKEA）
如果亲友嚟屋企拜年，可以用沥水饺子碟，中间的沥水层令饺子唔驶浸住啲水，搞到发胀。同样道理，如果用佢嚟放煎糕，可以隔走多余油份。又好睇又实用！
沥水饺子碟（图片来源：IKEA）
本身IKEA嘅装饰价钱都算平民价，如果单一购物家私家饰满$2,000，仲会有IKEA现金券 $200一张，抵上加抵！
官网及售卖详情请【按此】
贺年糕点
除咗装饰，贺年糕点都系我每逢农历新年最期待之一！
8度海逸酒店
8度海逸酒店今年再推出一系列自家制传统盆菜同埋贺年糕点，除咗一向大受欢迎嘅如意瑶柱腊味萝卜糕同埋清甜精致的金箔燕窝桂花糕，仲有全新嘅鸿运十胜红豆年糕同特式黄金椰汁马蹄糕。
8度海逸酒店贺年糕点（图片来源：8度海逸酒店）
为食嘅我已经等唔切试过萝卜糕同埋红豆年糕，前者好足料，慢火一路煎，香喷喷嘅瑶柱、腊味咸香味溢出，而且萝卜同其他食材嘅份量控制得好，唔会出现一切就散开嘅情况。
如意瑶柱腊味萝卜糕（图片来源：8度海逸酒店）
后者觉得红豆同年糕出奇地配搭，而且加咗红豆嘅年糕，比起净年糕冇咁甜同痴牙同漏，有惊喜！
鸿运十胜红豆年糕（图片来源：8度海逸酒店）
官网及售卖详情请【按此】
半岛酒店
另外，半岛酒店米芝莲星级中菜厅嘉麟楼都推出一系列糕点，当中有人气嘅「蒸蒸日上」枣皇糕($388)！以椰汁糕作夹心，红枣糕甘甜香醇且带椰子清香，口感香滑软糯，两种香甜互相交织，钟意食甜嘢嘅朋友不容错过！
「蒸蒸日上」枣皇糕（图片来源：半岛酒店）
官网及售卖详情请【按此】
帝京酒店
而帝京酒店嘅瑶柱腊味萝卜糕($198)以白萝卜配上矜贵瑶柱同埋惹味腊味，无论煎或蒸都好食，足料矜贵嘅萝卜糕特别适合送比长辈。
瑶柱腊味萝卜糕（图片来源：帝京酒店）
官网及售卖详情请【按此】
美食礼盒
Food Union - Ekselence
过年想再开心啲，我就钟意狂食雪糕，趁著放假，有个借口比自己放纵一下。
Ekselence节日礼盒（图片来源：Food Union）
第一次试食北欧雪糕品牌Food Union旗下嘅品牌Ekselence嘅节日礼盒，一试爱上，因为觉得佢嘅雪糕口感比较有质感，而且味道香浓，亦唔会有一种「死甜」嘅感觉。
Ekselence节日礼盒(节日优惠: $398／盒)一次过试到2盒家庭装雪糕系列、 1盒雪皅雪糕系列、 1盒双层脆皮雪糕３件装同埋1盒咖啡雪糕3件装，啱晒一班朋友嚟拜年，或者夜深人静，自己一个煲剧食雪糕享受Me-Time。
官网及售卖详情请【按此】
龙岛
龙岛推出一系列 “Floral Awakening” 以春日节庆花卉为主题嘅新春限定贺岁礼盒，备有唔同配搭。
春意盎然新春三层尊贵礼盒（图片来源：龙岛）
其中我推介春意盎然新春三层尊贵礼盒($698)，佢包装精致，包括多款小食、朱古力同新春限定茶叶，用嚟送礼大方得体。
打开盒盖系立体切割嘅兰花图案同龙岛嘅标志，寓意新一年丰盛繁荣。顶层有8款唔同口味嘅龙岛手工朱古力，集齐经典同节庆之选；第二层系曲奇同千层酥，更特别加入咗新春限定嘅桃花绽放曲奇同埋欢聚团圆曲奇；下层系适合搭配甜点享用嘅玫瑰茉莉花茶同桂花乌龙茶。
官网及售卖详情请【按此】
大家今年预备咗啲咩过年呀？祝大家新一年身体健康、笑口常开、虎年行大运！
