新一年要好好哄自己
2022年新年快乐！踏入新一年，好多人都会订立唔同嘅目标，要做好多唔同嘅嘢，希望可以成为一个更好嘅人。但我反而唔想要求自己咁多，只想自己开开心心，慢活一啲，听吓歌，留意吓身边发生嘅好嘢。
音响品牌Denon真无线入耳式耳机
作为半个音响发烧友，想同大家分享我最近嘅「新玩具」，啱晒钟意听歌嘅我。呢个系音响品牌Denon新出嘅真无线入耳式耳机 AH-C830NCW，主打音响级音质。
我试用嘅时候，觉得佢声音更加清脆、辽阔同充满动感，人声同Base嘅层次更明显同立体，有一种喺现场听音乐会嘅感觉。
比较Airpods Pro同Bowers & Wilkins PI7耳机
我用Denon AH-C830NCW（$1580）嚟比较我平时用开嘅Airpods Pro（$1999）同埋Bowers & Wilkins（B&W）PI7（$3280）蓝牙耳机，睇睇佢地嘅音质同埋隔音功能。
音质更立体清脆
音质上，我觉得Denon AH-C830NCWA比起Airpods Pro嘅声音更立体同清脆，佢拥有更深层嘅重低音，更能表现出声音嘅轮廓，低音亦更具韧性，演绎出更细致更复杂嘅音色。相反Airpods Pro嘅声质十分平面，可能佢主要方便苹果用家嘅日常工作，重视功能比音质更多。
虽然Denon AH-C830NCWA做到音响级嘅音质，不过一将佢同B&W PI7比较，会发现B&W PI7略胜一筹。B&W PI7嘅音质更加丰富，每款乐器嘅演出更加鲜明。而且B&W PI7充电盒具备「蓝牙音讯转发」功能，令耳机盒变成发射器，连本身唔设无线发射嘅音响装置亦都能享有蓝牙无线装置嘅功能同方便。
隔音功能有惊喜
就算音质几靓都好，如果听歌同时听到隔离有人大声讲电话，都会好扫兴。所以隔音功能好重要！
Denon AH-C830NCW 配备媲美大型头戴式耳机嘅强劲混合主动降噪功能。依靠两个收音器有效地消除环境噪音。而佢嘅环境声混音功能方便你随时回到「现实」。当我想听到环境嘅声音，只要轻触耳机即可，方便随时同人对话或留意广播。
隔音方面，我觉得Airpods Pro系3款耳机当中隔音最劲嘅耳机，即使隔离有人用好大声讲野，都唔会听到。而令我意想不到系，Denon AH-C830NCW 嘅价钱平过B&W PI7，但隔音功能比B&W PI7更好，用同样嘅大声音量，Denon AH-C830NCW只会听到少少外界声音，而B&W PI7会听到多少少外界声音。其实正常情况下，3款耳机嘅隔音效果都已经好够用。
除此之外，Denon AH-C830NCW 都有好多优点，我觉得佢配戴时比较舒服，唔会戴到耳仔痛，耳机都冇咁易跌出嚟。而且耳机有IPX4防水功能，啱晒我做运动时用，就算突然喺街到落大雨都唔洗怕，所以用得比较放心。之前我用其他牌子耳机做运动，成日中途要压一压实个耳机，怕佢跌出嚟，真系唔太方便。
如果听听下音乐有电话，只需要掂一掂个耳机，就可以通话。而且耳机采用每边三个内置收音器嘅波束成形同回音消除技术，就算喺嘈吵环境都可以清晰对话，令通话更舒服，都冇咁易忟憎。
用Android 手机嘅朋友有福喇！因为呢款耳机支援 Google Fast Pair，可以快速配对 Android 智能手机，情况就好似Airpods Pro自动连接iPhone。用iPhone嘅我就唯有手动设定蓝牙啦，不过都好方便。
整体而言，我觉得呢款$1580嘅Denon AH-C830NCW中高价嘅耳机可以提供音响级嘅音质、强劲隔音同埋舒适使用感受，唔知大家觉得呢款耳机性价比点样呢？
祝大家新一年开开心心，事事顺利。大家都分享下新年有啲咩愿望。
