新一年要好好哄自己
2022年新年快樂！踏入新一年，好多人都會訂立唔同嘅目標，要做好多唔同嘅嘢，希望可以成為一個更好嘅人。但我反而唔想要求自己咁多，只想自己開開心心，慢活一啲，聽吓歌，留意吓身邊發生嘅好嘢。
音響品牌Denon真無線入耳式耳機
作為半個音響發燒友，想同大家分享我最近嘅「新玩具」，啱晒鍾意聽歌嘅我。呢個係音響品牌Denon新出嘅真無線入耳式耳機 AH-C830NCW，主打音響級音質。
我試用嘅時候，覺得佢聲音更加清脆、遼闊同充滿動感，人聲同Base嘅層次更明顯同立體，有一種喺現場聽音樂會嘅感覺。
比較Airpods Pro同Bowers & Wilkins PI7耳機
我用Denon AH-C830NCW（$1580）嚟比較我平時用開嘅Airpods Pro（$1999）同埋Bowers & Wilkins（B&W）PI7（$3280）藍牙耳機，睇睇佢地嘅音質同埋隔音功能。
音質更立體清脆
音質上，我覺得Denon AH-C830NCWA比起Airpods Pro嘅聲音更立體同清脆，佢擁有更深層嘅重低音，更能表現出聲音嘅輪廓，低音亦更具韌性，演繹出更細緻更複雜嘅音色。相反Airpods Pro嘅聲質十分平面，可能佢主要方便蘋果用家嘅日常工作，重視功能比音質更多。
雖然Denon AH-C830NCWA做到音響級嘅音質，不過一將佢同B&W PI7比較，會發現B&W PI7略勝一籌。B&W PI7嘅音質更加豐富，每款樂器嘅演出更加鮮明。而且B&W PI7充電盒具備「藍牙音訊轉發」功能，令耳機盒變成發射器，連本身唔設無線發射嘅音響裝置亦都能享有藍牙無線裝置嘅功能同方便。
隔音功能有驚喜
就算音質幾靚都好，如果聽歌同時聽到隔離有人大聲講電話，都會好掃興。所以隔音功能好重要！
Denon AH-C830NCW 配備媲美大型頭戴式耳機嘅強勁混合主動降噪功能。依靠兩個收音器有效地消除環境噪音。而佢嘅環境聲混音功能方便你隨時回到「現實」。當我想聽到環境嘅聲音，只要輕觸耳機即可，方便隨時同人對話或留意廣播。
隔音方面，我覺得Airpods Pro係3款耳機當中隔音最勁嘅耳機，即使隔離有人用好大聲講野，都唔會聽到。而令我意想不到係，Denon AH-C830NCW 嘅價錢平過B&W PI7，但隔音功能比B&W PI7更好，用同樣嘅大聲音量，Denon AH-C830NCW只會聽到少少外界聲音，而B&W PI7會聽到多少少外界聲音。其實正常情況下，3款耳機嘅隔音效果都已經好夠用。
除此之外，Denon AH-C830NCW 都有好多優點，我覺得佢配戴時比較舒服，唔會戴到耳仔痛，耳機都冇咁易跌出嚟。而且耳機有IPX4防水功能，啱晒我做運動時用，就算突然喺街到落大雨都唔洗怕，所以用得比較放心。之前我用其他牌子耳機做運動，成日中途要壓一壓實個耳機，怕佢跌出嚟，真係唔太方便。
如果聽聽下音樂有電話，只需要掂一掂個耳機，就可以通話。而且耳機採用每邊三個內置收音器嘅波束成形同迴音消除技術，就算喺嘈吵環境都可以清晰對話，令通話更舒服，都冇咁易忟憎。
用Android 手機嘅朋友有福喇！因為呢款耳機支援 Google Fast Pair，可以快速配對 Android 智能手機，情況就好似Airpods Pro自動連接iPhone。用iPhone嘅我就唯有手動設定藍牙啦，不過都好方便。
整體而言，我覺得呢款$1580嘅Denon AH-C830NCW中高價嘅耳機可以提供音響級嘅音質、強勁隔音同埋舒適使用感受，唔知大家覺得呢款耳機性價比點樣呢？
祝大家新一年開開心心，事事順利。大家都分享下新年有啲咩願望。
