張家輝自嘲口痕唱歌：樂壇交番畀古生
張家輝昨日出席宣傳活動並即場獻唱，對於早前擔任陳慧琳演唱嘉賓，二人跳唱快歌《眼睛想旅行》洗版獲讚，問到樂壇欠他一個交代？家輝笑指自己是口痕唱歌：「樂壇嗰啲交番畀古生（古天樂）！」
家輝稱今次再為陳慧琳做演唱會嘉賓不想只唱歌，提議不如跳唱，上網找來有趣舞步更認真練8堂，發覺要記歌詞又要配合舞步，跳到抽筋，但估不到觀眾嚷着Encore反應好，「好多人話睇呢段片睇咗半個鐘，唔同角度都睇晒！我收到苗橋偉打嚟，其實好多年無聯絡，佢話好精彩好好笑，三嫂（戚美珍）話三哥係咁睇仲逼佢睇咗半個鐘。」當提議家輝不如開演唱會時，他笑說：「如果真係有呢件事，希望有創意。（首先要儲歌？）儲唔到！儲得嚟都到80歲！最緊要條橋有娛樂性。」
網上流傳家輝爭的士熱爆片段，昨日他現身揭盅是廣告橋段，指今次廣告要打功夫又唱歌，笑指今次短短幾分鐘廣告的動作量多，「但近年少打，都被甄子丹差不多追到。」提到被樂壇欠一個交代，家輝即說：「交咩代呀！我呢啲自己口痕唱歌，樂壇嗰啲交番畀古生（古天樂）拎多次。（可能今年係你？）唔使啦！」
早前家輝與太太關詠荷看夏韶聲演唱會，網民讚關詠荷靚，家輝笑指太太麻麻地，「呢個歲數嚟講都標青，好難Keep！Keep我多啲，要襯番佢。」至於太太會否想復出則要問她。對於相隔19年再拍劇集《芻狗之血》將於ViuTV播映，對撼娘家TVB，家輝說：「唔係我簽約範圍，賣畀邊個，我無辦法控制。」
喊話曾展望勿只顧溝女
最近網民封TVB藝員曾展望是「張家輝2.0」，曾展望也揚言可演年輕版張家輝，家輝昨日得知對方參加《女神配對計劃》，看過對方相片後說：「好！無論佢或年輕歌手演員，希望可以多啲合作交流，呢樣係我喜歡做嘅事，好似《贖夢》拍劉俊謙都幾吸引！」家輝也覺得曾展望有些似他，「我以前後生都幾靚仔，都嘭嘭聲！撞牆跳海乜都肯做。」隨即向鏡頭說：「繼續努力曾展望！唔好淨係溝女。」問到是否睇好曾展望成功追求葉蒨文，家輝反問：「林子祥老婆？」記者解釋是同名女藝人，家輝即笑問曾展望是否要改藝名「林子祥」！
