张家辉自嘲口痕唱歌：乐坛交番畀古生
张家辉昨日出席宣传活动并即场献唱，对于早前担任陈慧琳演唱嘉宾，二人跳唱快歌《眼睛想旅行》洗版获赞，问到乐坛欠他一个交代？家辉笑指自己是口痕唱歌：「乐坛𠮶啲交番畀古生（古天乐）！」
家辉称今次再为陈慧琳做演唱会嘉宾不想只唱歌，提议不如跳唱，上网找来有趣舞步更认真练8堂，发觉要记歌词又要配合舞步，跳到抽筋，但估不到观众嚷着Encore反应好，「好多人话睇呢段片睇咗半个钟，唔同角度都睇晒！我收到苗桥伟打嚟，其实好多年无联络，佢话好精彩好好笑，三嫂（戚美珍）话三哥系咁睇仲逼佢睇咗半个钟。」当提议家辉不如开演唱会时，他笑说：「如果真系有呢件事，希望有创意。（首先要储歌？）储唔到！储得嚟都到80岁！最紧要条桥有娱乐性。」
网上流传家辉争的士热爆片段，昨日他现身揭盅是广告桥段，指今次广告要打功夫又唱歌，笑指今次短短几分钟广告的动作量多，「但近年少打，都被甄子丹差不多追到。」提到被乐坛欠一个交代，家辉即说：「交咩代呀！我呢啲自己口痕唱歌，乐坛𠮶啲交番畀古生（古天乐）拎多次。（可能今年系你？）唔使啦！」
早前家辉与太太关咏荷看夏韶声演唱会，网民赞关咏荷靓，家辉笑指太太麻麻地，「呢个岁数嚟讲都标青，好难Keep！Keep我多啲，要衬番佢。」至于太太会否想复出则要问她。对于相隔19年再拍剧集《刍狗之血》将于ViuTV播映，对撼娘家TVB，家辉说：「唔系我签约范围，卖畀边个，我无办法控制。」
喊话曾展望勿只顾沟女
最近网民封TVB艺员曾展望是「张家辉2.0」，曾展望也扬言可演年轻版张家辉，家辉昨日得知对方参加《女神配对计划》，看过对方相片后说：「好！无论佢或年轻歌手演员，希望可以多啲合作交流，呢样系我喜欢做嘅事，好似《赎梦》拍刘俊谦都几吸引！」家辉也觉得曾展望有些似他，「我以前后生都几靓仔，都嘭嘭声！撞墙跳海乜都肯做。」随即向镜头说：「继续努力曾展望！唔好净系沟女。」问到是否睇好曾展望成功追求叶蒨文，家辉反问：「林子祥老婆？」记者解释是同名女艺人，家辉即笑问曾展望是否要改艺名「林子祥」！
