公關見聞｜新一代「關公」亂咁嚟實錄

謝志榮前線醫療手記

謝志榮，30年經驗健康版編輯

2023-11-15 07:00 HKT

時評專欄

內容

近年公關界的問題，都會被戲稱為「關公災難」。每宗災難的成因當然各有不同，但最近兩星期和不同媒體醫療健康範疇的老友傾開，不少新入行PR的做事方式，竟然充滿災難的預兆，例如：有些訪問，是媒體自己構思的專題，所以很早已開始透過PR約醫生，甚至早到訪問出街的一年前已初步約實，然後訂下deadline要把訪問內容大綱、醫生提供相關圖片等交給媒體，可是：「如果遲過deadline少少都OK，但有啲遲好多，要我哋不停咁追，點解有晒schedule，一年前有晒日子，都預唔到時間做嘢？」

又有中文媒體編輯老友話，「搵得我哋當然知道係中文媒體，但畀我哋啲資料、嘉賓姓名、題目重點等全部是英文，於是同佢講畀中文，但下次仍然係英文！」老友拿著一堆英文資料、網頁，當然無法展開工作，於是再提醒對方英文「我哋做唔到嘢」，結果對方說，「我知啊，我畀住你先啫。」不合用的資料，畀住我先有什麼用？而且再過了一星期，仍未見有中文版本的資料……

一位大型網媒生活副刊話事人，也分享了「奇遇」：「有一位PR，問我有冇婦產科、泌尿科、心臟科、兒科……（下刪10多個專科）的題目有興趣，但我反問他有哪位醫生/題目，卻一個都說不出來，只是不停說什麼都可以，但完全沒有具體內容、題目，等於開咗間時裝店賣衫，但冇現成衫，只是不停叫你幫襯佢，話可以幫你度身訂造，咁點搞？」

又有老友試過，PR自稱手上已有醫生和題目，不停叫他畀期做訪問，OK，畀咗期，但之後一直不再回覆，連醫生姓名也沒提供，終於到了訪問前2星期，回覆說，「梳，冇醫生可以做到。」

醫療公關是一個特殊的行業，偶爾甩漏難免，但像以上的PR水準我自己就無法接受。香港食肆服務態度差，是愈來愈多人北上的主要原因，希望不會有天客人也要北上找公關公司吧。