朱千雪為健康勁減40磅

星島日報-娛樂

更新時間：03:00 2025-05-21 HKT
發佈時間：03:00 2025-05-21 HKT

久未露面的朱千雪昨日（20日）出席馬戲團開幕禮，她透露11年前剛和老公拍拖時，曾送該馬戲團門票做第一份聖誕禮物，更秘密拍拖睇演出，今次會再同老公睇。至於可有收過老公的難忘禮物？她爆老公情人節炮製蛋糕及準備求婚戒指，兩人仔仔已1歲大，千雪表示做父母後少了拍拖機會，又指仔仔已懂得行、很活躍，經常要彎低腰跟着仔仔去放電，搞到腰痛又疲倦。
談到她一年內減40磅，千雪表示陀B時重了40磅，現已成功減磅，每朝跑步和健身，不止為靚，而是要有好狀態。此外，她有感仔仔大得快，手機全是仔仔相片，又指仔仔有岑杏賢的仔仔做朋友仔，至於另一位好姊妹湯洛雯就尚未生。至於有否戲癮？千雪笑言如有好劇本都想參演，但沒人找她，亦要視乎工作時間，又表示拍劇不用老公批准，但都希望老公睇她演出的劇。

↓立即下載星島頭條App↓