粉嶺伯伯街市跌倒管理員阻扶起：「要跟程序做，唔好郁佢！」目擊者嬲爆：睇到伯伯極力想起身無人幫｜Juicy叮
發佈時間：14:01 2025-05-22 HKT
粉嶺一個商場街市有伯伯跌倒，伯伯在地上向前趴著，有目擊者指，睇到伯伯極力想起身，但旁人欲上前扶起時，卻被管理員阻止，「佢話唔好，佢話要跟程序做，唔好郁佢，同佢報警。」
粉嶺伯伯街市跌倒管理員阻人扶起：「要跟程序做，唔好郁佢！」目擊者嬲爆：睇到伯伯極力想起身無人幫↓↓↓↓
現場為粉嶺皇后山邨皇后山商場街市，有目擊港男在「皇后山乜都友」FB專頁發帖表示，本周二下午，他路過現場「見到個阿伯跌倒」，他拍到現場畫面看到，該名伯伯跌倒後並無暈倒，而是有意識地向前趴在地上，雙膝跪地，雙手撐在地上。他跌倒在一間急凍食品店前面，身旁是凍櫃。
目擊港男表示：「睇到個伯伯極力想起身。」當時一名戴眼鏡男子與管理員一同上前，「唔識扶佢起身，其他人想扶佢起身，佢話唔好，佢話要跟程序做，唔好郁佢，同佢報警。」
目擊者：咁我哋咪睇住伯伯？喺度睇表演咁？
港男不滿管理員阻止別人扶起阿伯：「睇到阿伯嘅動作係咪極力想起身吖？起咗幾次起唔到啊？」
他質疑任由伯伯趴在地上，其他人則站在一旁望住他，不是合理的處理方法：「咁我哋咪睇住佢？喺度睇表演咁？喺度鼓勵佢？起身啦起身啦咁樣啊？定係推返佢趴喺度呢？」
樓主最後決定不理管理員反對，上前扶起伯伯，並讓伯伯坐好，以待警員到來送伯伯入院：「我從後熊抱將佢扶起，然後大聲叫佢哋攞啲凳嚟，畀個阿伯坐喺度再報警處理，唔係由佢喺地下，望住佢。」
樓主最後上載相片見到伯伯被送上救護車。警方發言人回覆《星島頭條》表示，本周二（20日）接獲報案，指皇后山商場街市一名約70歲伯伯跌倒，伯伯其後被送往醫院醫治。
網民：伯伯向前趴 料頸椎或脊椎無受傷應先扶起坐低
帖文引發網民熱議，有網民支持管理員做法，認為「唔可以掂到傷者」，不過，不少網民認為現場看到，伯伯「已想起身，但都唔扶」，並不合理：「2個男人都冇力扶起伯伯咩？」「佢講程序又唔幫手真係相當自私。」
有網民又指出，伯伯趴著估計頸椎或脊椎無受傷，應該可以扶起他：「如果有啲急救常識嘅，正常你見到阿伯跌嘅姿勢，係向前跌趴咗響地，首先可以排除咗佢頸椎或脊椎會有受傷先，跟住就可以叫人攞張凳嚟扶佢起身坐低，並唔係唔可以掂佢。」
該網民又指出，街市並非理想環境，伯伯又趴在檔口前面，扶起他會較合理，若當時伯伯「跌倒係躺平姿勢，咁就有機會頸椎或脊椎受傷，響呢個情形之下，就真係唔好郁佢。」
根據長者安居服務協會的資料，長者跌倒，旁人應保持冷靜，千萬不要急於扶起，應先評估長者初步傷勢，如外傷、詢問其疼痛位置及痛楚程度。除非現場有即時危險，否則在等候送醫期間，不要移動傷者。
同場加映：深水埗伯伯突暈倒後腦著地 藥房老闆一包紙巾「咁做」救命 網民激讚：明智之舉
