星級大搜查丨靈異體質藝人大公開 張與辰驚爆有陰陽眼親述撞鬼經歷：有掂過我 姚焯菲認易「瀨嘢」

2025年是罕見的「雙春閏六月」年，令農曆七月鬼門關大開順延至2025年8月23日才開始。剛剛踏入鬼月，《星級大搜查》一連兩集探討「靈異體質」與驅鬼招數，今集我們搜查一吓有靈異體質的藝人，並邀請他們分享恐怖撞鬼經歷。另外我們亦請來六壬神功法科師傅陳法齊及其徒弟分享，到底哪類人士較易有靈異體質。

吳若希找靈異體質圈中人睇樓

《星級大搜查》訪問了多位藝人，請他們分享是否有靈異體質，不少藝人都表示雖曾遇上靈異事件，但並非靈異體質。吳若希表示覺得自己好陽光，因此不是靈異體質，「無論我命格又好、性格又好，even我個樣都好，都係好man。」她認為時運低的人比較易撞鬼，「同埋我覺得係唔夠瞓或者身體比較虛弱嘅人。」不過，她就大爆圈中好友有靈異體質：「郭玥彤呀！佢好靈敏架呢一方面，有時我哋搬屋睇樓都會叫佢過嚟一齊睇一睇，哈哈哈！」

相關閱讀：明星忍大便記！陳家樂忍到生腎石 過度忍便可致肛裂 醫生教一招鍛鍊大腸控制便意

姚焯菲認有靈異體質

姚焯菲分享自己如果到一些有「古怪」的地方有不適，可能是靈異體質發作。她說：「我係容易feel到嘅，但我唔會見到囉！即係我入到一間房，我會感覺到個空氣好『傑』嘅時候，即係覺得側邊好『傑』呀……我唔知你明唔明我講咩……總之有嘢啦！咁我就會feel到，我就會唔舒服。」姚焯菲表示希望永遠都不要見到靈體，認為自己被上天保護，至於她認為哪些人最易撞鬼，她說：「唔開心嘅人？或者你成日諗住就會。」周家怡認為充滿負能量的人易撞鬼，梁靖琪表示：「係咪有啲人成日想嗰樣嘢呢？見下囉，有啲人係咁樣架嘛，越唔信有鬼嗰啲人係見到鬼？」郭柏妍表示：「啲人話時運低嘅人易撞鬼！」

相關閱讀：星級大搜查丨明星千奇百趣恐懼症 P1X3L成員有尖嘴恐懼 糖妹最驚一種聲音 醫生：屬於精神病

張與辰曾被「佢哋掂過」

張與辰現時是一名基督教徒，他向《星級大搜查》表示自己曾是「高敏人士」，靈異體質令他有些困擾，自信教後透過祈禱已將靈異體質消除。張與辰分享：「我之前其實係睇得到，我有見過、聞過，同埋佢哋有掂過我、跟住（我）㗎！」他分享，早年有次在家鄉馬來西亞開車，入黑後在一條公路見到一位女士站在路中心，雖然他早已懷疑是靈體，但以防萬一他也扭軚避開，「我朋友就問我『你做咩』，我就知唔係人嚟。」不過靈體未有一閃即逝，「望個倒後鏡，見到佢轉身，越嚟越近，越嚟越大個，無端端佢就唔見咗，死喇……我一望過去，佢飄喺我車出面，呢個真係好得人驚。」至於為何會有靈異體質，他表示：「對於一個地方嘅磁場比較敏感，比如我去一個地方我會feel到舒服定唔舒服，同埋有時行到某啲位置會feel到好似特別涼啲、凍啲，就知道可能個氣場唔係咁好喇！」現時他已再感受不到靈異體質，似乎也鬆一口氣。

相關閱讀：星級大搜查丨包包掛公仔成娛圈潮流指標 湯寶如爆男藝人儲公仔成狂：車埋衫畀公仔著

關寶慧對靈異體質感困擾

關寶慧是圈中出名有靈異體質的藝人，她分享自己命格比較陰，但並非自出生就有靈異體質。她表示第一次遇上靈異事件是18歲會考後與幾位朋友到布吉旅行時發生，「三個人一間房，朋友個妹就加床，總之見到囉，唔知咩事。」她透露當時半夜更有鬼壓床的情況，「我就見到我朋友床頭坐咗一個白色影，然後……係長黑頭髮嘅女人，我見到佢個樣，因為佢坐喺嗰度望住、背住我，望住我朋友，就係咁開始（有靈異體質）。」關寶慧直言對於靈異體質感困擾，直至現時排練舞台劇也會不時遇到靈異事件，「我覺得困擾多，冇乜好處。有啲唔係嚇你嘅，而係知道你嘅存在，佢就顯示畀你睇，我冇理佢哋架其實，我由佢哋。」至於如何減輕靈異體質對她的影響，她說：「我自己就唸經囉，我唸好多，譬如密宗嘅咒，唸完平靜啲囉！」

相關閱讀：星級大搜查丨估你唔到明星慳錢大法！ 陸浩明一味靠「癡」 郭晉安奇招善用浸浴水

阮德鏘遇上靈體求幫助

阮德鏘約十幾二十歲時，曾連續幾日發燒，加上遇過一次車禍後便有了靈異體質。阮德鏘認為有靈異體質並非全無好處，出身粵劇世家的他，曾到醫院探望一位彌留狀態的老倌，他在對方床頭見到「蠟燭」，後來才得知見到的「蠟燭」其實是預視一個人的陽壽。他說：「呢個叔父呢，我探佢嘅時候，其實『香』同『蠟燭』都差唔多尾喇，所以我就即刻叫我爸爸『可能佢唔係幾熬得過今晚，你盡快去見佢啦』，結果都係啦，我爸爸嗰晚見完佢之後，佢第二日朝早就走咗。」阮德鏘表示不時都會遇上靈體請他幫助，他能力可以做到的都盡量會幫，他說：「有啲嘢係因果，既然你都避唔開，可能佢與你嘅相遇係一早就註定咗。」他更分享，曾到一個有些入住的單位，同樣有靈異體質的太太沒有入屋，「我去到嗰間屋，我老婆都入去睇，去到嗰間屋，我老婆突然坐喺車『我唔入去喇』，我聽唔到，但我一開門就毛管戙，上到第一二層已經頭暈喇！」阮德鏘認為有這些反應，有時也是好事，「其實變相來說都係一件好事，就係畀你預知有危險。」

相關閱讀：星級大搜查｜明星「慳家開冷氣大法」逐個睇！ BabyJohn電費從未過千 專家教四招慳電大法

陳法齊列四類人易有靈異體質

六壬神功法科師傅陳法齊表示，有四類人較易有靈異體質，他說：「女士比較容易多啲。父母有陰陽眼，或者父母呢方面感應比較強嘅人，好多時小朋友都會遺傳到呢啲基因；經歷過一啲靈異事件，或者曾經鬼上身過之後，其實佢都會有咗呢種體質。如果以八字來講，例如『月』、『木』係同神經有關，『月』、『木』受沖受合，即是容易會神經質嘅人，係容易被靈界騷擾同容易感應啲。」師傅指，如果想改善靈異體質，應該盡量在晚上11點前睡覺，令陽氣回復得快些，另外也可多做運動，血氣好自然陽氣盛！

相關閱讀：星級大搜查丨明星遇小人怎麼辦？ 193＠ERROR怒打Haters「小人頭」 直擊一蚊Joe鵝頸橋底打小人

陳法齊師傅兩徒弟有靈異體質

陳法齊師傅兩位徒弟姚法仙及張法瑤都有靈異體質，姚法仙約八、九年前被鬼附身後便有了靈異體質，即使去到人多的地方也容易感受到靈體的存在。她說：「譬如有人走過，如果佢本身有，我都感應到。我雖然唔係成日見到，我只係感覺到佢有嘢喺身，但我就唔方便講咁多，唔可以同嗰個人講『喂，你有嘢喺身』，一陣佢以為我傻。」姚法仙表示她被鬼附身向師傅求助，靈體一直蠶食她自身的能量，她指太陰的地方或日子都易令她有不適，不過也有好處：「好似無形中幫到我（已故）屋企人，有啲訊息可能會帶畀我，叫我點做。」遇到被靈體騷擾的人，她也正學習如何幫人。

張法瑤則曾有幻聽等情況，一度找精神科求醫，後來向法科師傅求助才知自己被很多靈體附身，「覺得好似好多人跟住我咁，但我自己一個人住，同埋會聽到好多聲。」至於有否考慮改善靈異體質，她表示：「冇，因為對我哋學法嘅人嚟講非常好。」

有靈異體質的讀者，歡迎留言分享你的經歷給《星級大搜查》！

相關閱讀：啟德體育園演唱會｜啟德主場館開5萬人演唱會 哪位歌手期待值最高？ 張敬軒、炎明熹被點名