港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

頭條獨家丨陶大宇煎黃金蛋角過肥年余詠珊製作賀年煮食節目打頭炮

即時娛樂

更新時間：22:00 2022-01-27 HKT
發佈時間：22:00 2022-01-27 HKT

前無綫高層余詠珊離開TVB後成立「好好製作」公司，負責提供節目畀香港開電視播出，頭炮於本周六晚（29日）十點半起，一連7集播放賀年節目《名廚虎年賀新春》。節目中搵嚟《煮戰》一班星級主廚張錦祥、Jacky Yu、Anson(李安生)等獻藝，教觀眾用簡易方法做賀年大菜，近月紅爆的「師奶殺手」陶大宇仲現身省招牌。採訪：方騫平

Jacky Yu、前有線娛樂新聞主播鄭文、鄭太余詩敏、陶大宇、張錦祥齊賀年。

余詠珊離開TVB後成立「好好製作」公司，負責提供節目畀香港開電視播出。

余詠珊及其團隊與香港開電視有連串合作計劃，除了落實今年4月舉辦選秀節目《就是青春》外，頭炮賀年節目《名廚虎年賀新春》由星級名廚蔣怡、張錦祥(Ricky)、余健志(Jacky Yu)、強師傅(李偉強)、昌師傅(葉世昌)、小儀(譚詠儀)及陳超平(Stantley)煮意頭菜，蔣怡做「金玉滿堂金槍魚沙律」；Jacky Yu示範「烏魚子膏蟹炒新竹米粉」；Ricky整簡易版蘿蔔糕TAPAS，而陶大宇協助昌師傅做「發財南乳齋」。另外，又急召多位前有線娛樂新聞主播回巢做主持。

Jacky Yu、前有線娛樂新聞主播鄭文、鄭太余詩敏、陶大宇、張錦祥齊賀年。

前有線娛樂新聞主播王曉君及劉明軒回巢做主持，跟余健志做烏魚子膏蟹炒新竹米粉。

蔣怡唔止睇得，廚藝仲好了得。

拍攝飲食頻道節目

原來陶大宇唔止「魔音式」唱腔及招牌「水撥手」夠勁，煮食都有一手。他表示一向習慣過年時玩煮飯仔，其中年年一定要煎黃金蛋角！他開心分享說：「黃金蛋角好簡單，先將煎好咗嘅蛋漿做皮，再加啲豬肉餡料落去，要好似北方餃子咁逐隻包，蛋角似如意，喻意荷包脹卜卜每年搵多啲，由細到大媽咪傳承畀我哋嘅菜式，希望大家食吓，恭喜發財！」另外，余詠珊團隊邀請全港精英大廚、紅爆網絡廚師等做一系列飲食頻道節目，希望吸納一班真正想睇飲食節目嘅觀眾，相關節目亦陸續有來。