羅家英四度患癌首爆性慾全失逾4年因切走一部位 花光積蓄治病「汪明荃冇幫過手」：佢冇講過要幫
發佈時間：19:48 2025-08-01 HKT
現年78歲的羅家英今年5月受訪時表示自己四度患癌，震驚娛樂圈。羅家英曾於2004年確診肝癌第3期，一度需要切肝保命，其後再於2014年發現肝臟有腫瘤，康復後，2019年羅家英的前列腺組織發現癌細胞，其後再切除並康復。直至今年5月，羅家英接受內地媒體訪問時透露第四次患癌。
羅家英前列腺癌復發：我唔係唔醫
近日羅家英接受好友查小欣的YouTube頻道「紅查館」訪問，大談四度患癌的心路歷程，以及今次患癌的身體狀況。羅家英在接受內地傳媒訪問時，表示自己前列腺癌復發，表明不再接受化療及電療，後來被指「放棄治療」。羅家英在接受查小欣訪問時澄清放棄治療的說法。
羅家英說：「我唔係唔醫，佢就唔係咁樣醫，我就去檢查咗，用嗰個同位素，照到我腹腔盤腔，有一點點一點點咁樣，得10粒8粒。以前嘅肝（肝癌時）就照出嚟有粒荔枝喺度，即係一粒荔枝咁大粒嘅嘢，喺個肝度，咁就切咗佢，冇嘢，唔使驚，唔使治療，呢個係04年嘅。」
羅家英：咁多粒喺度切唔到
他續說：「14年嘅就係呢邊，又嚟多個荔枝，又喺度，唔係復發，係另外一個地方再生一粒。好！切咗又冇嘢。」羅家英指，直至2019年他發現自己前列腺組織有癌細胞時同樣用手術切除方式治療，他說：「咁我就前列腺，前列腺（腫瘤）切除咗啦，切除晒前列腺啦，驗過報告都係冇事嘅，點知佢有啲嘢潛伏咗喺深處，係未曾成形，佢自己慢慢成形，到依家成咗形啦，咁先知道。」
家英哥指，今次前列腺癌復發是潛伏的癌細胞，「佢有成咁多粒喺度，係切唔到，亦唔知點醫，醫生話得一個方法，就係打女性荷爾蒙，打咗之後就係會壓住佢，唔俾佢發展，因為癌細胞係好慢，醫生話大概係8年左右，你等佢一路撳住佢，唔係消滅佢，唔係醫治佢，係等佢平和，但8年之後就壓唔住㗎啦。咁壓唔住要點，就要電療同化療。咁我就話，既然咁樣，我今年79歲，8年之後我都八十幾歲，電療化療之後，你俾多三年我，咁我嗰時都人唔人鬼唔鬼啦。」他更笑言：「咁呢個人生有咩用啫？咁我話咁仲好，我就決定唔會再電療，唔會再化療。」
羅家英從未買保險
人生買度患癌的羅家英，指自己因為治療癌症而花光積蓄，他說：「第二次（患癌）我一啲都唔驚，我問醫生咁點啊？（佢話）照割囉，我就話照割囉，割，最緊要一樣嘢係，你有冇錢？」原來家英哥從來未買過保險，「我唔信保險，但我有儲埋儲埋，咁我以前都知道，我冇保險，我一定要有積蓄，咁咪使咗佢囉，第二次我又用晒啲積蓄。」查小欣問他老婆汪明荃有沒有幫忙，家英哥說：「我冇叫過老婆幫我，我唔使佢幫，千其唔好同佢講呢樣嘢，佢亦都冇講過話幫，佢知道我有，（同埋你啲性格唔俾人幫）唔係，如果佢願意幫我，我都好樂意嘅。」
羅家英2019年切前列腺後性慾全失
羅家英早前曾公開表示，自己正在接受治療，需要注射女性荷爾蒙壓制癌細胞，令他身體出現變化。他說：「變得虛弱了，好容易犯困，好攰，好唔鍾意講嘢，真的好唔鍾意被訪問，好唔鍾意被訪問，因為訪問不停講嘢，但我覺得你平時好鍾意講嘢，講自己啲事，自己有咩好講。我嘅前列腺被切除之後，我個人定咗，淡咗，對於色字，（性慾淡咗？）冇晒，仲打咗女性荷爾蒙添，更加冇，慣咗，已經4至5年。」
