拍拖6年買$500萬樓 女方出$150萬首期 男方負責供 準新郎臨簽約突提奇葩要求 惹怒女家直接反面｜Juicy叮
發佈時間：10:02 2026-10-19 HKT
拍拖 6 年買 500 萬元樓準備甜蜜結婚，女方出 150 萬元首期，日後由男方負責供樓。豈料準新郎臨簽約突提奇葩要求，惹怒女家直接反面。詳情見下圖及下文：
拍拖6年買$500萬樓 女方出$150萬首期 男方負責供 準新郎臨簽約突提奇葩要求 惹怒女家直接反面逐張睇↓↓↓↓
臨簽約男方突襲
樓主早前在社交平台 Threads發帖，講述一對情侶拍拖 6 年準備結婚，睇中約 500 萬元物業。女方出 150 萬元首期，日後男方負責供樓。豈料臨簽約前，準新郎突然開口：「層樓可唔可以淨係落我名？」
女方即時問點解，男方理直氣壯：「首期係你屋企出，但之後廿幾三十年都係我供喎。」男家全體更力撐完全冇問題，女方屋企聽完當場反面。
網民怒轟算死草：個天叫你唔好嫁
貼文引來網民瘋狂怒轟，痛斥男方自私。大批網民力勸女方分手，直言「個天幫你呀，叫你唔好嫁呢家死窮鬼！」，亦有人直指「當場分手啦，層樓我出晒我照寫埋我老婆名」。
不少人痛斥男方無理，指「廢男買樓最貴係個首期，供樓邊個搞唔掂？女方畀150萬首期仲想點？男人唔好做得咁垃圾畀啲骨氣」。
有網民拆解男方算盤，直指「笑死，只落你名，離婚咁你咪可以名正言順吞晒筆錢，嗰兩三年供款當交租咁解之嘛！」，認為這種自私想法極度要不得。
也有網民指出雙方都在計較：「出150萬元個首期大晒呀？往後淨供本都要350萬元，仲要俾利息，到供斷埋單差唔多6球（600萬元）。買唔起咪租囉。」
樓主驚爆震撼結局
樓主隨後在回應欄交代後續發展：「Anyways（無論如何），佢哋最後分咗手。」
女方坦言，最介意的不是 150 萬元，而是男方到最後一刻才通知這個決定：「如果連咁大件事都係你決定完，去到最後一刻先通知我，第時結咗婚，仲有幾多決定會係咁？」
女方指，首期、供款和比例都可以傾，但信任產生了裂痕，不是「加返個名」就補得返。最終，女方決定斬纜，保住 150 萬元兼慳返 30 年按揭。
樓主幽默總結，唯一白忙一場的，是「帶佢哋睇咗咁多次樓嗰個 Agent（地產代理）」。
資料來源：8propertyhk＠Threads
相關閱讀：
夫家出首期買北都新樓 準新娘過海返工嫌遠兼怕住近奶奶 網民教「一絕招」反客為主｜
高薪護士港女慘變親戚人肉提款機 被要求資助堂弟大額買樓首期 網民手把手教體面拒絕對白
月入過10萬育兩子一直無買樓！高薪港媽憂老來陷住屋死局 引網民爭辯中產置業陷阱
