拍拖6年买$500万楼 女方出$150万首期 男方负责供 准新郎临签约突提奇葩要求 惹怒女家直接反面｜Juicy叮
发布时间：10:02 2026-10-19 HKT
拍拖 6 年买 500 万元楼准备甜蜜结婚，女方出 150 万元首期，日后由男方负责供楼。岂料准新郎临签约突提奇葩要求，惹怒女家直接反面。详情见下图及下文：
拍拖6年买$500万楼 女方出$150万首期 男方负责供 准新郎临签约突提奇葩要求 惹怒女家直接反面逐张睇↓↓↓↓
临签约男方突袭
楼主早前在社交平台 Threads发帖，讲述一对情侣拍拖 6 年准备结婚，睇中约 500 万元物业。女方出 150 万元首期，日后男方负责供楼。岂料临签约前，准新郎突然开口：「层楼可唔可以净系落我名？」
女方即时问点解，男方理直气壮：「首期系你屋企出，但之后廿几三十年都系我供㖞。」男家全体更力撑完全冇问题，女方屋企听完当场反面。
网民怒轰算死草：个天叫你唔好嫁
贴文引来网民疯狂怒轰，痛斥男方自私。大批网民力劝女方分手，直言「个天帮你呀，叫你唔好嫁呢家死穷鬼！」，亦有人直指「当场分手啦，层楼我出晒我照写埋我老婆名」。
不少人痛斥男方无理，指「废男买楼最贵系个首期，供楼边个搞唔掂？女方畀150万首期仲想点？男人唔好做得咁垃圾畀啲骨气」。
有网民拆解男方算盘，直指「笑死，只落你名，离婚咁你咪可以名正言顺吞晒笔钱，𠮶两三年供款当交租咁解之嘛！」，认为这种自私想法极度要不得。
也有网民指出双方都在计较：「出150万元个首期大晒呀？往后净供本都要350万元，仲要俾利息，到供断埋单差唔多6球（600万元）。买唔起咪租啰。」
楼主惊爆震撼结局
楼主随后在回应栏交代后续发展：「Anyways（无论如何），佢哋最后分咗手。」
女方坦言，最介意的不是 150 万元，而是男方到最后一刻才通知这个决定：「如果连咁大件事都系你决定完，去到最后一刻先通知我，第时结咗婚，仲有几多决定会系咁？」
女方指，首期、供款和比例都可以倾，但信任产生了裂痕，不是「加返个名」就补得返。最终，女方决定斩缆，保住 150 万元兼悭返 30 年按揭。
楼主幽默总结，唯一白忙一场的，是「带佢哋睇咗咁多次楼𠮶个 Agent（地产代理）」。
资料来源：8propertyhk＠Threads
相关阅读：
夫家出首期买北都新楼 准新娘过海返工嫌远兼怕住近奶奶 网民教「一绝招」反客为主｜
高薪护士港女惨变亲戚人肉提款机 被要求资助堂弟大额买楼首期 网民手把手教体面拒绝对白
月入过10万育两子一直无买楼！高薪港妈忧老来陷住屋死局 引网民争辩中产置业陷阱
