出租車司機六合彩「借運」大法 每轉車請客人幫忙做一事後中咗幾次獎 網民：有同事都係咁做中三獎｜Juicy叮
發佈時間：15:48 2025-08-01 HKT
一名出租車司機運用家族的「借運」方法買六合彩，做法是工作時每轉車均請客人幫忙做一件事，揚言因為這方法「已經中咗幾次」。有網民也自爆奇遇，指其舊同事曾以類似做法中了個六合彩三獎。詳情見下圖及下文：
出租車司機「借運」大法 每轉車請客人幫忙做一事 之後中咗幾次六合彩 網民：有同事都係咁做中三獎逐張睇↓↓↓↓
相關閱讀：60張「六合彩」做離職散水禮竟全部中獎 港女買60張相同號碼送同事 奇蹟中Ｘ字每位同事收錢「咁多」
樓主引述司機：用呢個方法已中咗幾次
樓主7月31日在社交平台Threads上載相片發帖，指「收工，坐Uber反屋企，一上車，個司機叫我揀個number（號碼），佢話佢每日都會做6至10單生意，每個客人就會另一個數字，跟住每2-3日就去買一次六合彩，用呢一個方法已經中咗幾次」。
樓主續指，「因為咁樣係聚集埋其他人嘅運氣去幫自己，咁都俾佢諗到，我問佢，咁嚟緊會買啲咩number，同埋如果一程車多個一個乘客咁點樣？跟住佢同我講，呢個係佢家族嘅借運方法，唔外傳，唔好意思」。
相關閱讀：連中3次六合彩袋近$6萬 幸運兒分享神奇報夢經歷 自爆去呢間投注站落注
網民帶點抗拒
回應的網民對「借運」做法顯得有點抗拒，不少人留言指「我唔揀囉」、「唔借俾佢都得嘅」、「唔好幫佢揀號碼」、「點解我啲運要俾你？」、「真嘅話做乜要借？？？」、「運氣借比佢，自己咪折福」、「唔幫佢揀，中咗又唔會分俾我嘅」。
另有好生意頭腦的網民認為可以此作生意，教路「答佢無問題，你俾$500我，我俾個number你」。還有人指出「你信一個揸緊Uber但話你知成日中六合彩的人？」、「借ＸＸ咩，真係借到嘅話就唔係佢車你，係你車佢啦」； 有人則笑言「20蚊都叫中」、「中咗幾次廿蚊？」。
相關閱讀：奇招$220買齊49個號碼 過來人曝光實測往績：第一次咁中5位數獎金
網民自爆奇遇
有別於潑冷水，有網民卻自爆一段奇遇，指「我以前公司有一個日本人，問晒全公司嘅女仔攞一個number，點知真係俾個死佬中咗三獎，冇返工成個月」。
資料來源：yarasalleh35＠Threads
相關閱讀：$1200萬六合彩買中6個字 事主揭一原因變空寶：勁唔抵！↓↓↓↓
六合彩今年6月7日攪珠頭獎獎金高達1200萬元，有網民在社交平台發帖分享昨以膽拖的方式下注買該期六合彩，結果「第一次~六合彩中了六個字」，但最後「無錢收」，他感到「勁唔抵」「無奈」。事主揭開「中空寶」的原因如下↓↓↓↓
