肥媽罕談大仔遇恐怖車禍頭骨爆裂嚴重面癱曾藥石無靈慈母為救子用屎尿力抗保安

更新時間：15:30 2025-08-02 HKT
發佈時間：15:30 2025-08-02 HKT

現年71歲、人稱「肥媽」的Maria Cordero，近年因為成為TVB節目《中年好聲音》系列評審而大受歡迎，直話直說又有節目效果，為節目增添不少話題。她跟同屬評審的周國豐成為好朋友，近日肥媽到港台接受周國豐訪問，就罕談30年前、其大仔於英國遭受嚴重車禍的事件。她指飛到當地首次見到受傷的兒子時「成個人癲咗」，見他頭部脹起呈紫色亦未能說話，肥媽表示當時向天禱告，她自己甚麼也不要，只希望上天不要奪走其子。

肥媽大仔遇車禍頭骨爆裂

肥媽指當時是1994年，雖然已經是31年前的事，不過至今仍歷歷在目：「當日係4月1號，佢同學嘅家姐打畀我，話我個大仔撞咗車，我仲話你咪玩啦，點知係真」。肥媽立即飛到英國，一見到大仔她就十分難過：「當時佢個頭脹咗成倍，整個呈紫色，雙眼被拉長幾乎睇唔到眼珠，腫得好犀利。當時佢坐喺私家車後座冇戴安全帶，架車一撞就向前撞爆玻璃飛咗出去，個頭骨、右面膊頭裂咗，腿骨都斷埋」。

肥媽談大仔恐怖車禍：

肥媽大仔頭部腫脹嚴重砷癱

肥媽見到當時年僅19歲的兒子慘況非常心傷：「我見到佢真係成個人癲咗。當時好多人話可以向有關方面追討賠償，但我乜都唔要喇，我對個天講，你淨係畀番個仔條命我就得。」當地醫生話，其子頭骨裂開只能為他開止痛藥，但當時其子嚴重臉癱，右眼打不開、嘴也合不上，頭內亦有瘀血，情況十分惡劣，肥媽就唯有用自己方法救子。

肥媽為子幾乎向保安潑屎尿

肥媽人在異地，得到了當地很多華人關照，借出廚房讓她煲湯，另外就請了一位香港中醫飛到當地，於醫院為他剃頭針炙及敷藥。肥媽表示：「當時咁樣醫我個仔，搞到好大陣味，當地人梗係唔鍾意啦。但我就唔理，為咗個仔，我儲起佢嘅屎尿，如果邊個敢行埋嚟，我就即刻潑過去」，最終當地醫院就範，讓其子接受中醫醫治。最終過了3星期零1天，奇蹟出現了。

肥媽感激奇蹟發生於兒子身上

肥媽表示：「佢一直有面癱，飲湯嗰陣會喺口角漏番出嚟，講嘢亦講唔清楚。不過當日佢突然話，媽咪我好口渴，佢竟然講到出嚟，嗰日我又癲咗」。肥媽表示，今次奇蹟發生都是多得中國的醫藥。肥媽的第二任丈夫於2020年因末期肺腺癌病逝，周國豐問到，現時怎樣看生離死別？肥媽就話：「呢個必然嘅，唔捨得就一定唔捨得，但我已經衝破咗呢點喇，我深信今日我老公都有嚟，佢一直都喺我身邊」。