姜濤獻唱金曲向前輩致敬兼首唱第九胎 MIRROR六子晒才華

更新時間：19:24 2021-12-08 HKT
發佈時間：11:00 2021-12-08 HKT

姜濤首次公開演唱第九胎《鏡中鏡》。

MIRROR六子姜濤、江𤒹生（Anson Kong）、盧瀚霆（Anson Lo）、柳應廷（Jer）、呂爵安（Edan）、陳卓賢（Ian）昨晚（7日）在灣仔會展開騷，Anson Lo獲舉家捧場，神徒之一鄭欣宜更專成向Anson Lo家人打招呼，還有姜濤媽媽，另外，跟Edan合作拍新劇《i.SWIM》及綜藝節目《膠戰S2》的魏浚笙（Jeffrey）和女友現身，即惹起一陣哄動。

唱出多首金曲向樂壇前輩致敬。

Anson Lo自摸下體令神徒熱血沸騰。

AK先以快歌《黑之呼吸》打頭陣，之後與姜濤跳唱《離開地球表面》，辣起全場氣氛。接着Anson Lo以白馬王子look自彈自唱《不可愛教主》。跟着Jer演出MC張天賦《反對無效》時，歌迷反應熱烈，Edan則彈琴和Jer合唱《E先生連環不幸事件》後，再獨唱《小諧星》，及後繼續以鋼琴伴奏與Anson Lo Rap歌，合演《So Bad》，此對「大叔CP」甫出現又引起「爵屎」及「神徒」尖叫。及後Anson Lo勁舞唱出《大藝術家》及《我呸》，靈活舞步加上抽褲襠誘人舞姿，令觀眾再掀高潮，及後演繹hit歌《Megahit》，現場觀眾即時起動，齊齊「Uh-oh uh-oh」，他還與台下觀眾玩「Uh-oh uh-oh」遊戲搞氣氛，最後送上飛吻冧爆歌迷。

又自彈自唱。

姜濤（右）跟AK合唱《離開地球表面》。

姜濤合共獻唱9首歌如《孤獨病》加《一號種子》及首演第九胎新作《鏡中鏡》等，又揀選了連串經典金曲包括《浪子心聲》、《分分鐘需要你》、《夕陽之歌》、《等》及《追》，姜濤表示五首歌向樂壇前輩致敬：「冇佢哋冇今日嘅樂壇，3年前出道時我唔鍾意呢啲歌，覺得好老土，入咗樂壇後，我有責任將廣東歌帶出去，藉歌曲話畀年輕人聽，要向前一輩藝人學習，傳承落去。」並叫大家加油，六子最後以《我的快樂時代》作演唱會結尾。