港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】露腰兼巨窿褲行街唔怕凍親 17歲沈日帶老友去老竇鋪買衫

即時娛樂

更新時間：09:31 2021-01-25 HKT
發佈時間：21:00 2021-01-24 HKT

沈日以一身「全牛Look」晒腰露腿去行街。

邱淑貞有個被譽為「最索星二代」的餅印大女沈月，雖然得19歲但已在倫敦時裝周行過Catwalk又上過時裝雜誌封面，甚至為老竇代理嘅潮牌做生招牌，由細到大都備受關注。相反，以學業為重的17歲胞妹沈日就低調得多，早排連IG都刪剩一個Po。《頭條日報》記者早前於銅鑼灣撞到沈日，一向有Baby fat的她愈大愈識打扮，當日着露腰兼巨窿褲陪朋友去老竇鋪買衫，雖然十多度涼涼地但為咗靚唔怕啦！採訪：梁志明

沈日帶朋友仔去OFF-WHITE專門店睇衫。

朋友拎出手機向店員詢問有冇貨，在旁的沈日發現記者在場。

童年沈日留短髮又鍾意男仔頭打扮，踏入青春期就一改風格，留長髮兼成日着背心、短裙仔，滲出濃濃少女味。早前約傍晚6點，沈日與閨密現身百德新街逛潮店，當日一身「華Dee全牛Look」的她，以白色Crop-Tee打底晒小蠻腰，下身穿巨窿Boyfriend Jeans就若隱若現露出纖幼大腿，打扮愈嚟愈有星味，紮起All back高馬尾的她雖然戴住口罩，但眼仔圓碌碌，一眼就認到係90年代女神邱淑貞個二公主。

朋友與男友仔在街頭攬攬，沈日旋即變電燈膽。

黑黑實實的沈日一向鍾意鬼妹仔式打扮。

行一陣就買到嘢

去到百德新街，身為I.T太子女的沈日梗要帶Friend落老竇代理的潮鋪「巡」吓，只見兩人去咗Acne Studios睇衫，睇咗一陣已揀啱心水，話咁快就入手大袋戰利品，之後再去到OFF-WHITE睇衫。甫進店，朋友仔即向店員展示手機中的圖片，詢問有冇其心頭好，估計店內剛好冇貨，職員即拎出iPad向她們介紹其他新裝。結果兜了10分鐘都係冇收穫，離開該店後，沈日Join埋閨密的男友在街頭吹水，見一對小情侶搭膊兼攬攬，頓成「電燈膽」的她即低頭撳手機，之後3人齊登上坐駕離開。