港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】搭上楊秀惠沈卓盈富貴舊愛衛詩雅同新歡Ray甜爆行超市

即時娛樂

更新時間：12:40 2019-11-29 HKT
發佈時間：21:00 2019-11-28 HKT

輕觸女方Ray會輕扶Michelle條腰，又會捉住Michelle個手踭，有愛呀。

剛過35歲的影壇多產女星衛詩雅(Michelle)之前聲稱單身三年，仲話生日只係約朋友食飯。答得隨意，其實今年Michelle生日一定好甜蜜，事關佢拍拖嘞。新歡麥偉汶(Ray)同娛圈都好有淵源，因為佢兩位前度都係娛圈中人，一個楊秀惠，一個沈卓盈，仲要兩位都已經係人妻兼嫁得非常好。日前傍晚七點，Michelle同Ray去銅鑼灣行超市買零食，新鮮情侶無拖手無攬錫，但男方對女方非常呵護，輕扶吓腰又摸吓手踭，兩人笑住揀零食又貼到好埋，恭喜你呀衛詩雅。採訪:梁志明

貼住揀嘢無論揀水揀豆漿定揀零食，兩個都係黐住嘅。

不時耳語Ray好識氹Michelle開心，不時耳語氹得Michelle哈哈笑。

今年9月，本報影到Michelle同大隻男行傢俬舖，兩人黐住睇電話疑似有嘢，事後Michelle面紅兼流汗否認，強調係朋友，仲話無機會發展，佢話，「依家會想睇定啲先，寧願揀一個啱嘅之後結婚，每次拍唔啱都係傷。」

新歡曾經好火爆
唔知Ray係咩人，但佢應該好識同女藝人相處，回帶去到2010年，當年楊秀惠承認同金融才俊Ray拍拖，到13年盛傳楊秀惠同沈卓盈爭仔，之後沈大師就同咗Ray拍拖，女方仲搬去男方價值億四嘅四千呎豪宅禮頓山同居，但拍咗兩年幾就分手，當年有新聞話兩人鬧交，Ray仲嬲到打爆咗架MINI嘅擋風玻璃。每個人都有過去，隔咗咁多年，Ray肥咗又穩重咗，同衛詩雅亦非常襯。

好耐無見自Ray同沈卓盈於16年分手後就無再喺娛樂版見過佢，無見三年，大隻咗好多，hi Ray。

接送離開Michelle為咗避記者而先去停車場，之後再同Ray會合。

衛詩雅不停甜笑
當晚七點，衛詩雅同Ray喺銅鑼灣時代廣場嘅超市玩兜圈，係呀，兩個人係咁喺零食區域兜嚟兜去，然後又去睇豆漿，又去睇水，留意返，兩人睇任何嘢都係貼住行，Michelle個笑容好甜，Ray又不時喺Michelle耳邊講嘢，眉梢眼角滲出甜味，明顯有嘢啦。兩人玩兜圈玩到忘我，突然間，Michelle發現記者，同Ray耳語一陣就閃先，剩返Ray找數，好大隻嘅Ray禮貌問記者屬邊間報館，然後再去停車場會合Michelle先一齊離開。