羅力威當年出道獲fans貼身照顧：前世做好事先得到幸福

更新時間：21:16 2021-10-08 HKT
發佈時間：08:30 2021-10-09 HKT

坤哥（右）坦言入行後有有少少虛榮感。

近期甚少現身幕前的羅力威，前日（7日）與吳業坤為KB和黃丹儀的網上主持的音樂節目擔任嘉賓，羅力威在2009年參加第一屆《亞洲星光大道》贏得總冠軍而入行，KB問他假如當年沒有參加比賽的話，現在又會做甚麼？羅力威說：「我都可能會鑽研音樂，嘗試作吓曲，累積吓啲作品周圍send嚟send去，希望有自己嘅作品流傳，都係喺音樂為主。」反而坤哥未有想過做歌手：「我都係參加咗比賽之後先諗住做歌手，未參加《超級巨聲》，試過參加第二屆嘅《亞洲》，嗰陣見羅力威咁紅，我仲記得嗰陣喺亞視門口排隊，入到去唱咗20秒就俾人『叮』走咗！」

羅力威自從做了爸爸後，甚少亮相。

兩人昨晚KB和黃丹儀的節目做嘉賓。

當年羅力威出道後吸引了不少fans支持，氣勢強勁：「佢哋一般都好照顧我，基本上你諗到嘅、買嘅、整嘅同食嘅都收過晒，所以好多嘢都有，其實係前世做咗啲好事，得到咁幸福嘅嘢。你問我有冇覺得飄飄然，反而覺得個人嘅脾氣同性格差咗，可能係平時生活上冇預到呢啲壓力，對人又或對同事，總有一日總有啲嘢會出錯。」KB又問到羅力威有否試過發脾氣？他說：「一定有好幾次係影響到工作，可能喺台上唔係好ready有見人嘅態度，試過唔同嘢之後，而家咪唔會咁做。」坤哥亦說：「嗰陣有少少虛榮感，但係嗰種唔係驕傲，反而覺得個感覺好正。」

羅力威專注做音樂的工作。

羅力威坦言目前的生活以囡囡為先。

羅力威和雨僑去年誕下愛女羅約彌（Harper、羅肥肥），黃丹儀亦問到他做爸爸的感覺，他說：「呢個小生命需要我哋好多時間同心機去照顧同睇住，為咗佢都要計劃同安排好多嘢，某程度上係要改變自己嘅生活，好多嘢都係以佢為先，總之佢突然間之間要你，你就乜嘢計劃都冇晒。」他續說：「呢個係人生嘅階段，有啲嘢係意想不到，一個生命連出嚟嘅線，好嘅影響可能係大到冇辦法想像，令好多嘢更加完美。」