罗力威当年出道获fans贴身照顾：前世做好事先得到幸福

更新时间：21:16 2021-10-08 HKT
发布时间：08:30 2021-10-09 HKT

坤哥（右）坦言入行后有有少少虚荣感。

近期甚少现身幕前的罗力威，前日（7日）与吴业坤为KB和黄丹仪的网上主持的音乐节目担任嘉宾，罗力威在2009年参加第一届《亚洲星光大道》赢得总冠军而入行，KB问他假如当年没有参加比赛的话，现在又会做甚么？罗力威说：「我都可能会钻研音乐，尝试作吓曲，累积吓啲作品周围send嚟send去，希望有自己嘅作品流传，都系喺音乐为主。」反而坤哥未有想过做歌手：「我都系参加咗比赛之后先谂住做歌手，未参加《超级巨声》，试过参加第二届嘅《亚洲》，𠮶阵见罗力威咁红，我仲记得𠮶阵喺亚视门口排队，入到去唱咗20秒就俾人『叮』走咗！」

罗力威自从做了爸爸后，甚少亮相。

两人昨晚KB和黄丹仪的节目做嘉宾。

当年罗力威出道后吸引了不少fans支持，气势强劲：「佢哋一般都好照顾我，基本上你谂到嘅、买嘅、整嘅同食嘅都收过晒，所以好多嘢都有，其实系前世做咗啲好事，得到咁幸福嘅嘢。你问我有冇觉得飘飘然，反而觉得个人嘅脾气同性格差咗，可能系平时生活上冇预到呢啲压力，对人又或对同事，总有一日总有啲嘢会出错。」KB又问到罗力威有否试过发脾气？他说：「一定有好几次系影响到工作，可能喺台上唔系好ready有见人嘅态度，试过唔同嘢之后，而家咪唔会咁做。」坤哥亦说：「𠮶阵有少少虚荣感，但系𠮶种唔系骄傲，反而觉得个感觉好正。」

罗力威专注做音乐的工作。

罗力威坦言目前的生活以囡囡为先。

罗力威和雨侨去年诞下爱女罗约弥（Harper、罗肥肥），黄丹仪亦问到他做爸爸的感觉，他说：「呢个小生命需要我哋好多时间同心机去照顾同睇住，为咗佢都要计划同安排好多嘢，某程度上系要改变自己嘅生活，好多嘢都系以佢为先，总之佢突然间之间要你，你就乜嘢计划都冇晒。」他续说：「呢个系人生嘅阶段，有啲嘢系意想不到，一个生命连出嚟嘅线，好嘅影响可能系大到冇办法想像，令好多嘢更加完美。」