專訪丨負評不會影響生活 七師傅：冇人識先唔會畀人討論
更新時間：07:56 2021-08-25 HKT
發佈時間：22:45 2021-08-24 HKT
發佈時間：22:45 2021-08-24 HKT
字體大小
七師傅直言在節目中只是實話實說，不明白觀眾的笑點，但尊重想笑的自由，「原本係驚嚇節目，主持火火同保錡都驚到震，啲女仔仲驚到想退出，但經我表達之後變得好笑，喪禮都變婚禮，我有咩辦法呀？嗰陣睇到佢哋夜麻麻仲要露胸拍攝，又要畀鬼搞，好慘呀，我咪有感而發攬實湯沛宜安慰，邊喊邊話『師傅愛你』，諗唔到會變成咗招牌，拍乜嘢都要講呢句話，哈哈！」
自認花心的七師傅，無法在一眾小鮮肉中選出最愛，但看好姜濤不止是「亞洲第一」，大有機會衝出國際，「姜濤後生又靚仔，唱得跳得，如果我係姜濤，我許願一定不止亞洲第一，要做世界第一呀！之前同佢哋合作《考有Feel》，睇到佢哋嘻嘻哈哈，自己都好似好後生，連我男友最近都鍾意咗佢哋！」此外，她還讚保錡醒目但百厭，但很尊重自己，從來不敢撩她；193就靚仔、聰明又講義氣，曾幫她拿到很難入手的演唱會飛！
