汪明荃到摩洛哥拍節目爭啲中暑尊重家英哥公開第四度患癌決定提周驄、雪妮、唐佳相繼離世：三個都係好人，唔捨得佢哋

影視圈

更新時間：10:48 2025-07-06 HKT
發佈時間：10:48 2025-07-06 HKT

汪明荃（阿姐）、陳美齡、冼靖峰等昨晚（5日）參與慈善節目《明愛暖萬心》，阿姐透露為節目《帶阿姐看世界》剛從摩洛哥回港，首次到當地的她，逗留了九日時間環繞了該國家一周，當中到撒哈拉沙漠、YSL花園及博物館等。她說：「嗰度天氣44度，爭啲中暑，今次拍咗好多嘢深入民間。」她承認今次旅程最為辛苦，但覺得人生要去一次摩洛哥。

讚家英哥是「好旅行腳」

談到可會帶同老公羅家英同行，阿姐笑言去第二個地方，不過對方11月為該節目會帶她到不丹，本身未去過，但不丹是被喻為「最幸福的國家」。談到家英哥是否一名「好旅行腳」，阿姐表示家英哥是「好旅行腳」，因為喜歡講故仔，所以跟對方旅行好開心。當笑問不擔心家英哥又爆家事，阿姐說：「鎖碎事講嚟做乜！等你哋開心啫！」提到羅家英公開表示第四度患癌，但他表明已決定放棄接受電療及化療，希望「舒服」說再見。問到家英身體情況？阿姐指家英哥身體不錯，現正在內地巡演舞台劇，稍後返來跟她排練粵劇，因為11月福星劇團演出，今次演兩個劇目《大鼻子情聖》及《戰宛城》，又指自己在九月再度拍劇。

與周驄、雪妮、唐佳為認識多年朋友

談到可會叫家英哥多休息，她說：「佢鍾意就得，佢鍾意做嘢！佢唔工作都喺度玩架啦！」談到家英哥公開患癌情況，阿姐說：「好閒事！嗰個Case發展得好慢，未來都會有好多新藥，尊重佢決定。」提到周驄、雪妮與唐佳相繼離世，阿姐說：「唔想講咁多！好難過、好傷心，三個都係認識幾十年朋友。我拍第一部電影《大搶特腸》係我投資，由周驄聯系，三個都係好人，永遠懷念，唔捨得佢哋。」

↓立即下載星島頭條App↓