將軍澳多幢大廈突停電街坊報災情：𨋢全部壞手機照住煮餸中電講停電原因｜Juicy叮

更新時間：11:27 2025-07-06 HKT
發佈時間：11:27 2025-07-06 HKT

將軍澳廣明苑一帶多幢大廈昨天（5日）晚上突然停電並火警鐘聲大作，嚇煞居民，多人在網上報告停電「災情」。事件中，大部分單位僅停電一至兩秒即恢復，有單位卻停電約半小時，有大廈更加壞升降機。停電期間有醒目街坊在廚房開手機照著爐具煮餸。詳情見下圖及下文：

將軍澳多幢大廈突停電街坊報災情：𨋢全部壞手機照住煮餸逐張睇↓↓↓↓

網民：用手機光照住煮餸

不少街坊網民昨晚8時半過後，在facebook群組「將軍澳主場」發帖報道最新的停電情況，有人上載廚房摸黑煮食照，指「全棟大廈無電，用手機的光照住煮餸」。其他街坊網民的帖文和回應如下：

樓主甲：尚德跳咗一秒電

樓主甲發帖：「尚德跳咗一秒電，大家有冇呀？」；樓主並在回應欄表示「嚇死死」。

其他網民回應稱：
•富康（花園）都跳；
•廣明嗰邊有棟樓全部跳晒；
•尚德食緊譚仔，跳咗一下電；
•尚德跳咗一秒電，大家有冇呀？；
•有仲見到有困𨋢，在家閉路見到；
•（將軍澳南）怡明（邨）淨係怡悅樓停，不過好快有返，但𨋢全部壞。

樓主乙：全家電器一同熄滅一秒後自動重啟

樓主乙發帖：「請問大家剛才家裏有否出現電壓不穩定情況，突然全家電器一同熄滅，一秒後自動重啟？」。

網民回應：
•富康都係；
•尚德同你揮手；
•我住坑口，唔覺啊；
•將廣（將軍澳廣場）都係；
•怡明邨怡悅4部𨋢壞晒；
•聽講廣明苑廣盈閣停晒；
•Popcorn（商場）黑咗一秒；
•剛才（廣明苑）廣盈（閣）全座停電；
•（廣明苑）廣瑞閣食水變弱，有冇廣明苑街坊一樣；
•Popcorn局部停電，幾條扶手電梯突然煞停，感恩沒有人跌倒。

樓主丙：廣明苑全幢停電（廣盈）

樓主丙發帖：「將軍澳實時，廣明苑全幢停電（廣盈）20:59已恢復電力」。樓主補充：「大量消防車在樓下，啱啱喺廣昌閣都停咗一下電～暫時係得廣盈全幢停咗」。

網民回應表示：
•富康都停了兩秒；
•尚德邨都停了兩秒；
•聽到巨響之後跳制；
•廣場停咗兩秒，咩事？；
•（廣明苑）廣寧閣警鐘冇停過；
•屋企食水變弱，有冇人一樣情況；
•天晉（Popcorn上住宅）都跳咗路燈；
•剛剛在將軍澳廣場食飯都跳咗一吓電；
•聽到響聲冇電，廣瑞停了兩秒後有返電；
•停咗一下電，屋企wifi不是即時回復，要等了幾分鐘。

樓主丁：廣明有冇人feel到停咗一秒電？

樓主丁發帖：「啱啱有冇人feel（感覺）到停咗一秒電？我住廣明」。

有回應的網民指：「嚇死，以為真係世界末日」，更加有人事後細心地「做咗張圖，成區都有影響」。

其他回應的網民稱：
•全屋跳咗電；
•有，尚德；
•有，將廣；
•廣盈全幢停電；
•有呀，全屋咩嘢都熄晒；
•我哋住富康，頭先都有；
•有呀，門口火警鐘係咁響；
•消防員已入宣基小學入面間電房；
•廣盈成座冇晒電，頭先仲有陣𤓓味；
•剛將軍澳迪卡儂（TKO SPOT分店）都黑咗一黑；
•唔係feel到，係真，啱啱入（廣明苑）廣昌閣嚇死。