陳自瑤爆喊戲獲網民激讚「暖男」張頴康：有好老婆所以先成就到

更新時間：15:15 2021-07-16 HKT
發佈時間：15:45 2021-07-16 HKT

老公張頴康看在眼裏當然大感心痛。

陳自瑤（YoYo）最近人氣勁升，連帶演出亦得不少人注視，在昨晚劇集《寶寶大過天》中一場小產戲，YoYo與張頴康演出得到不少人讚賞。在劇中，YoYo已經因為生育問題，被奶奶潘芳芳經常出言針對，護妻情深的張頴康已經出言頂撞媽媽，雖然YoYo已經成功陀b，可惜最後小產收場。

陳自瑤演技大爆發！

張頴康被封為暖男！

面對小產之痛，YoYo表面看似平靜，但卻半夜躲在廁所瘋狂偷吃朱古力，老公張頴康看在眼裏當然大感心痛，並竭盡所能保護老婆，不惜哭着跪求送貨工人搬走BB物品免刺激老婆，劇集出街後，網民大讚二人演技大爆發之餘，亦表示肉緊及心痛：「今次反而幾鍾意睇張頴康同埋陳自瑤呢兩個角色喎！因為兩個都唔使chok住做，好自然」，還有人說：「覺得佢做得唔錯，打扮真係可以做到一個普通師奶冇晒艷光」、「佢一直都好努力做好佢自己，努力係會畀人見到」，張頴康亦被讚是絕頂好老公，細心、溫柔又有耐性：「好感人，尤其是由呼喝搬運工人到哀求嗰幕，真係好揪心」、「只有在電視劇出現嘅男人」、「張頴康啲戲真心都好好，今日佢抱YoYo喊嗰Part，我都想喊。」

張頴康為老婆出言頂撞媽媽！

陳自瑤在IG分享感受。

對於被封為「絕世好老公」，張頴康開心地說：「首先要多謝網民欣賞，同埋寫故事嘅製作部。」問到真人是否同樣「暖男」，他即大放閃光燈謂：「我都覺得自己係暖男老公嚟，因為我有好老婆所以先成就到。」至於寵妻秘訣，張頴康大方地分享：「都係好簡單嘅嘢，遷就太太，太太想要乜，唔好要佢開口講先做，應該知佢鍾意啲乜架嘛，咁就私底下畀啲驚喜佢，等佢開心吓同唔好覺得自己只係負責照顧家人嘅一個女人，要畀佢覺得你愛佢，要令老婆覺得自己係少女，同有被愛嘅感覺。」