黃泰來導演離世丨劉美君18歲不顧媽媽反對嫁黃泰來 10年婚姻誕兩子女 曾指產後好痛苦
發佈時間：16:16 2025-07-16 HKT
電影導演黃泰來今日（16日）傳出離世消息，享年75歲，田啟文證實黃泰來死訊，透露他因喉癌病逝。黃泰來的前妻是劉美君，二人於1982年結婚，並於1992年離婚，他們育有一子一女。劉美君曾多次被問及與黃泰來離婚的原因，她認為是性格不合，表示：「其實第一年我已經發現整件事都係錯，但我堅持咗10年希望可以得，嗰次學識咗一樣嘢，唔得就係唔得。」
劉美君18歲執意嫁黃泰來
劉美君嫁黃泰來時年僅18歲，黃泰來因為劉美君歌曲《午夜情》填詞而向女方展熱烈追求。此前劉美君已有過幾段戀情，或因父母離異令她缺安全感，每次愛上一個人後反而會掉頭走，「可能因為我爸爸媽媽離婚，係爸爸唔要媽媽，變相令我覺得『我鍾意咗佢就死喇』，唔了解我嘅人會覺得我花心。」當時劉美君與黃泰來愛得火熱，她曾表示為了擺脫「負心」形象，用行動告訴朋友她有多專一，於是不顧媽媽反對執意結婚。加上劉美君指從小身邊已不乏靚仔男友，她總覺得靚仔不會真心對待自己，於是找了其貌不揚的黃泰來做老公。
劉美君：我從來冇講過前夫一句壞話
縱然性格不合，但黃泰來與劉美君婚後也有過一段恩愛時光，黃泰來更為劉美君主唱的《自甘墮落》填詞。劉美君幾年前受訪，被問及兩段婚姻失敗的原因，她表示：「我而家開始覺得我有問題，我問題就係要求太高。但我係一個唔責怪我舊愛嘅人，我從來冇講過前夫一句壞話，分開咗我會檢討自己有咩問題。我係要求好高嘅人，反而令身邊人好辛苦。」
相關閱讀：「最靚嫲嫲」劉美君晒超強腹肌 神隱多時笑稱：我還活著！
劉美君曾患產後抑鬱症
劉美君曾表示，與黃泰來所生的大仔出生後，她一度患產後抑鬱症。劉美君早年曾分享：「我生完第一個BB有抑鬱症，醫生話我聽係產後抑鬱，我老公（黃泰來）仲話我搵藉口，想搵個藉口搵人發吓脾氣扭吓計咁樣，我好明白當有屋企人唔體諒你嘅時候係有幾痛苦，𠵱家我就梗係講就輕鬆，過晒嗰啲烏煙瘴氣嘅時間啦。我睇番啲相，我廿幾歲嗰時，個樣都幾難睇㗎，雖然係青春，但真係殘，當人有憂愁嘅時候真係殘啲嘅。」劉美君之後再經歷過一段婚姻，移民美國生活，她近年曾表示明白自己是不適合婚姻的人，因此沒有再結婚，但也有過幾段戀愛。
