【ViuTV頒獎禮】Ian講得獎感受30秒誤當3秒 Jer被隊友迫請食飯:唔好煩嘞

更新時間：02:23 2021-04-19 HKT
發佈時間：02:16 2021-04-19 HKT

年度男歌手金銀銅獎得主。

Ian直認得到「年度男歌手」銅獎喜出望外，腦袋一片空白，「當我開始有意識時，只見台下有人舉3隻手指，我以為僅餘3秒便匆匆收聲，但原來係仲有30秒，輸經驗囉，哈哈！（漏了多謝女友Amy Lo喎。）多謝身邊支持我的人呀！（緋聞影響了成績？）前排經歷了一些事，今次是一支很好的強心針呢！」

連奪「年度新人獎」及金曲獎的Jer，開心見到樂壇百花齊放，希望大家多聽廣東歌，又解釋冇公開多謝女友全因「在心中」，甜到漏！笑問失落新人獎的Anson Lo及Anson Kong是否要著Jer請食飯？Anson Lo笑說：「Jer攞唔攞獎都要請食飯啦！」眾人即踢爆Jer小器，從未「萬歲」，連經常被指慳家的姜濤也忍不住說：「我夠膽講，我請得多過阿Jer！」被迫埋牆角的Jer仍推搪說賺多些錢便會請，Tiger即笑說：「下星期請啦！唔好煩喇！」而Anson Kong坦言自叱咤後已對獎項無甚想像，最驚喜是能跟Ian齊齊攞獎。