完全唔熟唔會安慰「偷食保錡」 Lokman笑言：佢食晒MIRROR啲Job

更新時間：14:01 2021-01-18 HKT
發佈時間：19:48 2021-01-17 HKT

MIRROR隊員、強尼、沈殷怡及岑日珈等。

今日，人氣組合MIRROR成員Lokman、Frankie、Tiger及Alton、《全民造星III》冠亞季加參賽者及強尼等出席ViuTV全新節目《囝囝女女730》記者會，吸引半百Fans守候！隊長Lokman否認以師兄身份帶《造星III》新人，只望齊齊令香港樂壇起飛，跟《造星III》冠軍Ben鬥舞則是帶領舞壇起飛，笑爆全場！

對於MIRROR在樂壇頒獎禮大豐收，問會否想加人工？Lokman說：「全世界都想加人工，但今年有工開已經好開心，齊齊冇得加都好公平呀，總之令全世界經濟起飛啦！」Alton又謂有開解失落新人獎的Anson Kong，對方已很快釋懷，Frankie則說：「AK份人比較火爆及衝動，我們也以為要陪他傾很久，豈料安慰兩句已沒事。」

一眾《造星III》女參賽者。

一眾《造星III》男參賽者。

對於有網友不滿周柏豪奪得今屆《十大中文金曲》的男歌手金獎，寧願由姜濤奪金，Lokman笑說：「呢啲咪叫風水輪流轉囉，之前姜濤在叱咤得獎，大家說他不值，現在大家又想他拎獎，其實獎項都是大家畀的成績表，學姜濤話齋，有人講又多些人識便是好事，令MIRROR起飛囉！」另談到ERROR成員保錡爆偷食醜聞，Lokman指跟對方不熟，並笑說：「保錡食晒我哋啲Job喎，仲要安慰佢？」

MIRROR笑言保錡食晒佢哋啲Job。

《造星III》三甲。

對於《囝囝女女730》被指硬撼無綫的《東張西望》，《造星III》季軍ANSONBEAN繼續「天然呆」說：「係咩？最緊要玩得開心！我會練好口才，錄影前多說話當開聲。」Ben同樣會改善說話及歌唱技巧，自知節奏太慢，跳舞表演則未驚過，可以臨場發揮。亞軍陳葦璇直言由參賽開始已打慣仗，戰鬥力好高，甚有信心！

而「全能強尼」否認孭重飛撼無綫，所以壓力不大，並希望「神經刀」CY繼續語出驚人，令節目更有效果！CY於現場與曾被他駁嘴的高層金廣誠合照，他笑指沒有金生電話，並會考慮不以「陳奕迅聲」致電給他。另外獲網民追捧的張進翹（Manson）否認為入行狠飛編劇女友，強調二人是性格不合才分手，雖然再見亦是朋友，但已沒有聯絡，自己亦會以平常心面對負評。