【頭條獨家】揀男友唔搵圈中人衛詩雅嫌太易起清對象底

更新時間：20:17 2020-06-11 HKT
發佈時間：23:00 2020-06-11 HKT

詩雅去年底滑雪弄斷腳骨，本來已要停工休息，但因疫情她更加可宅在家專心養傷。

衛詩雅最近主演愛情小品電影《熟女愛漫遊》，由於全片在日本取景，令詩雅拍得特別開心，更首度跟日本演員演對手戲，對唔識日文的她有一定難度。她演的女主角雖然跟拍拖多年的男友分手，但對愛情依然充滿憧憬，但詩雅坦承自己比較實際，揀男友一定要叻過自己，仲話唔搵圈中人嫌容易起清對象個底，好難仰慕對方。採訪：杜淑霞髮型：Wiltam@the salondelotus 化妝：Kayte Fung 服裝：MAX&Co. 場地：The Stadium

戲中詩雅造型多多，連士多啤梨都扮埋。

詩雅大讚男主角唐禹哲夠義氣，她一個電話對方即飛日本幫忙演出。

由於電影走夢幻浪漫風格，造型已令詩雅相當興奮，「開拍之前試造型，導演話可能要試兩日，我心諗有咩可能要試咁耐？點知上到去以為自己去咗Boutique，因為佢哋差唔多準備咗成50套衫，而且好多都係走可愛路線，好Cute好少女又Colourful。」

戲中詩雅跟周俊偉演情侶，兩人有不少甜蜜戲份。

詩雅首次同日本演員合作，雖然言語不通，但合作一樣愉快。

在日本逗留一個月拍攝，令詩雅拍得份外開心，「每日都食好嘢，就算普通一個飯盒都超好味，搞到我肥咗，最慘我肥親係肥塊面先，差啲返嚟香港連唔到另一套戲。」講到第一次同日本演員合作，雖然言語不通，但詩雅睇到他們好專業，不過演對手戲時就有一定難度，「我要背埋對手日文對白，咁樣佢哋講到邊度，我先識得做適當反應。」

講到詩雅演的「陶莎莎」好單純，對愛情有好多憧憬，她就坦言自己對愛情比較實際，「我要搵個叻過自己嘅人，只要佢喺某方面叻過我就得，當然嗰樣嘢我唔識，咁我就會更加仰慕佢，所以我唔會搵圈內人拍拖，因為我好容易起晒對方個底，唔會咁容易仰慕對方。」去年11月本報拍得她跟楊秀惠及沈卓盈的前男友麥偉汶（Ray）甜蜜行超巿，問到男方是否令她仰慕的新歡，她就拒絕回應話遲點才正式交待。