Bob晒A+品質捐精證書阿Sa高Ling驚問：真定假呀你？

更新時間：22:56 2019-01-29 HKT
發佈時間：17:42 2019-01-29 HKT

Bob育有3女1子是圈中多仔公之一。

林盛斌（Bob）是圈中的多仔公，同Bob嫂結婚12年共育有3女1子，最近正忙搬新居的他，在社交平台貼上捐精證，留言：「呢期搬屋駛（使）咗好多錢，出面個市又好靜，真係冇晒辦法，諗咗好耐，噚日終於去咗，都好，執返少少，夠交呢兩個月d（啲）水電媒.....」，證書中除了姓名、年齡、學歷外，重點是「捐獻次數：10次」、「精子品質：A+」，至於捐獻補貼有$5,000，加慰問金$1,000共$6,000，捐了10次豈不有$60,00？仲要是賺人仔，因為證書是簡體字。
Bob手戴金錶都不止這數字，他當然是搞笑，難得吸引一眾女星包括蔡卓妍（阿Sa）、高海寧（高Ling）都留言問「真定假呀你？？」、「堅定流呀？」；陳敏之同陳煒就留爆笑表情符號；鄭希怡笑謂「質量唔錯」；黃美棋就話「重點是A+」等。其他網民留言亦搞笑，「其實唔希望20年後通街都係光頭仔」、「好無玩？一定好有用，生公主必定配方」。