蕭正楠回味翠如昨晚從未如此溫柔過：個眼神幾咁迷人

更新時間：18:10 2018-12-17 HKT
發佈時間：16:53 2018-12-17 HKT

開心過後，阿蕭今日如常開工。

蕭正楠於《2018萬千星輝頒獎典禮》宣佈已娶黃翠如後，今日如常開工，先後跟張達倫、姚子羚及陳瀅於中環拍攝新劇《黃金有罪》。蕭正楠謂公開婚訊後收到很多祝福，身邊很多親友都不知道此事，最終選擇了這個方法公佈，希望大家可以見諒。問到不得獎便不公佈？他說：「再諗，都打算今年內，平安夜或者除夕，今年太多喜事，撞晒車。」問到老友曹永廉知否他們已結婚？他笑說：「我阿媽知嘅佢都知，同我爸爸身份一樣。」
阿蕭謂回到台下收到很多女藝人的祝福，紛紛表示十分感動。他笑說：「原來我咁受歡迎，（胡）定欣仲攬住我喊，咁當然希望攬住我嘅係我太太。不過宣佈完，佢嘩一聲，就飛車走咗。」問到回家後翠如有甚麼表示？他笑說：「嘩！幾溫柔，從來未試過咁溫柔！我㗎車到門口，已經見佢企咗喺度，個眼神幾咁迷人，不過今朝瞓醒又變返平時咁囉！」（攝影：張家宜）