與DUO band出碟陳奕迅:盧凱彤走咗已經唔完整

更新時間：09:08 2018-12-13 HKT
發佈時間：21:40 2018-12-12 HKT

Eason表示，專輯已經推出，想不到下一步該怎麼走。

eason and the duo band《L.O.V.E.》新專輯發佈會，於中國廣州太古倉碼頭舉行。陳奕迅（Eason）與DUO團隊部分成員包括王雙駿、恭碩良、蘇德華、孫偉明及翁瑋盈，於台上分享Duo Band多年來的逸事及趣事。
Eason與Duo團隊於2010年成軍，用了兩年時間到世界各地，進行了66場巡迴演唱。事隔8年，Eason以「eason and the duo band」推出新專輯《L.O.V.E.》。Eason很興幸遇上一班「傻人」跟他一起做「傻事」，但坦言有點失落，因專輯已經推出，根本想不到下一步該怎麼走。他說：「之前分享有人問到Dou Band嘅下一步。好大件事，阿妹（盧凱彤）走咗，已經唔完整。is not the same，就算有都係記念音樂會，唔會再有第2隻碟。」
席間，首播由孫偉明及盧凱彤共同創作的歌曲MV《海裡睡人》，MV由動畫拼湊而成，結尾盧凱彤拖著Eason飛出困境，最後留下Eason卻遺下一根羽毛。MV播放完畢後Eason再度上台，他竟發現台上有一根羽毛，他即時跟台下Duo Band成員說：「又咁啱喎！」Eason輕撫羽毛，隨後他更手執著羽毛完成整個發佈會。

陳奕迅指盧凱彤已離開，DUO band已經唔完整。

接受訪時，Eason提到於廣州舉行發佈會，其實對Duo Band來說是份外有意義，因於廣州錄音期間玩得非常開心。談到是否相當感觸，他說：「有啲，唔捨得，未知下一步係咩。下一步係跨年紅館？都未定，入咗紙要下個月先知。最衰口快快講咗出嚟，開唔到咪好瘀！」問到最大競爭對手是否謝霆鋒？他笑說：「佢都無講過做，佢無同我講過！（你幫佢代答？）哈哈，你地都係問返Mani啦！」他表示可跟霆鋒一齊開，他笑說：「紅館，一人一半，分兩邊鬥大聲，哈哈！」
談到盧凱彤已不在Duo Band，Esaon說：「感覺反而仲有意義，當然佢係度都好有意義。依家變咗所有嘢都係為佢而做，大家都有呢種感覺。我睇咗6、7次Duo Band嘅記錄片，先開始適應佢唔喺度，但當然係永遠都唔會適應。好彩嘅，係記錄咗佢嘅聲音同影像，我夠膽講，阿妹係Duo Band嘅時候係好開心嘅！」
談到歌曲《海裡睡人》MV及台上一根羽毛。Eason笑笑說：「我當佢係㗎喇！之前開騷，唱到《海裡睡人》蘇德華支結他彈唔到，係要用佢（盧凱彤）支結他先得，之後10幾首歌又無事，我覺得好正囉！」
此外，談到新專輯《L.O.V.E.》預算是否比以往高很多。Eason表示應該接近多一倍，他說：「無諗回本喇！只諗付出，搵咁多錢都係時候洗吓。想留底有品質、有價值、有意義嘅嘢。」