雨僑去南非凍到震圓夢睇獅子最興奮

更新時間：15:26 2018-06-12 HKT
發佈時間：13:30 2018-06-12 HKT

雨僑早前到南非拍攝旅遊節目，在14天的旅程中去了10多個景點，每天早上4點就要起身化妝，行程非常緊湊。雖然每天都要早起，但雨僑就話非常值得，因為夢想是去非洲睇獅子。

出發前做足準備的雨僑謂：「今次拍攝我襯咗啲幻想中適合非洲的衣服，例如色彩豐富嘅大長裙，希望好飄逸咁同斑馬、獅子影相。點知原來南非好凍㗎！凍到著羽絨都唔夠暖，入面仲要著外套打底！」不過來到夢想中的地方，雨僑話捱凍都非常值得，特別是上桌山一覽南非全景。大學主修生物學的雨僑最想見到獅子，「以前讀書成日去field trip，但香港可以去到的field trip最多看到中華白海豚、青蛙，很少機會見到大型哺乳類動物，所以非洲草原一直係我好想去嘅check point，去非洲睇獅子更係我人生好想好想做到嘅事。」

拍節目時，雨僑經常在社交平台分享豐富早餐相，令人誤以為旅程輕鬆，雨僑說：「其實每日行程都好趕，但因為我以半個blogger身份來拍攝，所以每朝都要影影影，再post post post！」這次旅程她特登帶了套絲質睡衣來，仲一早起身燙衫，原來這是雨僑的好友送她在結婚上頭時穿著的，當時沒用到，因此今次帶來拍照。

問到已為人妻的雨僑有沒有煮早餐的習慣？她笑說：「當然有，我平時都好鍾意煮早餐！女生的早餐一般都是煎pancake、焗薯仔，或者簡單煮麥皮，但屋企自從多咗個男人之後，我嘅早餐變得好man！佢（羅力威）係個早餐可以食麻辣火鍋、煲仔飯嘅人嚟，我就鍾意悠悠閒閒飲咖啡，呢樣嘢要慢慢協調啦，依家煮早餐都要煮兩款先可以一齊食。」

至於夫妻去旅行，老公會不會成為私人攝影師呢？雨僑竟然回答：「初初拍拖，我哋去過峇里、伊豆，不過比較少影相，因為都係enjoy當下的感覺，有時係個畫面太靚，但欣賞完又過咗個moment，所以無影到。」結婚4個多月但仍未度蜜月，雨僑稱：「希望這幾個月可以去到啦！我哋想近近地去日本，因為日本係我哋第1個旅行嘅地方。」