來回馬路幾十次影海報　梁漢文勁驚阻街俾車撞

更新時間：20:23 2017-04-24 HKT
發佈時間：17:31 2017-04-24 HKT

Edmond同師妹演繹擦身而過感覺。

梁漢文（Edmond）8月開《我的另一半音樂會》，首次在九展開騷，Edmond非常期待，望與觀眾拉近距離感。至於音樂會海報由林海峰（Jan）一手包辦構思設計，並找來小師妹湯加文（Carmen）客串暫做「另一半」，今次他們特別到中環鬧市取景，二人在繁忙馬路上不停行來行去來回數十次，吸引不少途人駐足觀望，幸好沒有造成交通阻塞或意外。Edmond謂見到有些途人經過突然發現是他，再駐足觀望，他也有點擔心，說：「睇住個綠燈好快已經眨眨下就變紅，但係我又唔行得，要企喺到畀攝影師影，影個陣好驚俾人鬧我阻街，又驚阻車行，俾車撞，好彩都冇俾人鬧。林公子一向出名快狠準，行咗大約2、30次就已經話有啦，收工！」

Edmond、Carmen、Jan

當街睇返照片效果

至於找來小師妹Carmen幫忙，林海峰笑問對方：「你夠竟知唔知邊個係梁漢文？」Carmen就哈哈大笑，「我連你都識係林海峰啦！我又點會唔識佢係梁漢文呀？你唔好見我細個恰我啦，我識梁漢文啲歌㗎！我有聽㗎！」Edmond就笑話：「好老實講，真係唔係好識你，不過依家就識啦！今次真係好多謝你幫手，只係影個背面真係唔好意思，下次拍MV再搵你做女主角，影返個正面！哈哈。」