亨利選擇練馬師王捧羅富全 (圖) ，主因貪佢出馬夠精簡，相比其餘主要對手，全哥只派六駒應戰，由於數量較少，賠率會相應好分一點，希望佢連場攞12分！

亨利拆局│練馬師王吼羅富全

更新時間：02:00 2025-03-30 HKT
發佈時間：02:00 2025-03-30 HKT

蔡約翰由二月尾開始連日猛攻，而且頻頻封王，直至近三期練馬師王終於無佢份，分別由廖、呂、姚奪得。表面上，蔡廄最近似在回氣，然而上周日勁奪48分，攻勢依然超強勁，失落寶座只因威哥比佢更勁而已。今期賽事回師沙田，適逢舉行兩場大賽，蔡廄馬逢大賽日特別醒神，今期隨時又封王。但正如早前提過，蔡約翰練馬師王通常賠率乏味，一般只適合趁佢賠率回升賭走地，一早買到唔划算。

隔晚考慮捧場對象，今次幾個大倉都有可捧之道，最終我選擇羅富全，主因貪佢出馬夠精簡，相比其餘主要對手，全哥只派六駒應戰，由於數量較少，賠率會相應好分一點，希望佢連場攞12分！

重點爭分馬方面，「天天同樂」大前仗跑千二快放得季軍，今次勝在強手遠去，坐位望贏可辦到。「馬力」兩戰未逢敵手，上仗雖賺外疊有利跑線，不過贏馬姿態夠靚，而且今場多駒屬老對手，有權再捷。

目標：羅富全

賠率：6.5

全日惡馬第二場：天天同樂

練馬師王最佳投注時機：第二場前

↓立即下載星島頭條App↓