晨光追擊│「幸運星球」跨季連捷
更新時間：16:51 2024-09-17 HKT
發佈時間：16:51 2024-09-17 HKT
發佈時間：16:51 2024-09-17 HKT
字體大小
不知大家有否發覺，四位在奧運馬房的練馬師，包括韋達、黎昭昇、廖康銘及鄭俊偉，谷草成績都好過田草，尤其韋達，上季四十場頭馬，多達廿七場在谷草取得，而且每逢出擊都會有一大手馬配合。
第三場第四班一二○○米：「幸運星球」經常得個近字而不斷減分，上季尾減至四十分可落五班，偏偏繼續選戰四班，出爭煞科谷戰同程，當晚此路程更拆分三組，對手進一步減弱。
事實上，「幸運星球」衝刺力短，根本跑谷草更好，查其出戰谷草千二全入前四，當晚更排埋一檔遇弱手，形勢一枝獨秀。結果大家都知，該仗「幸運星球」變陣搶放贏夠兩個多馬位，最誇張跑出一分九秒一九，不止是當晚三組四班千二最快，更是全季四班同程最快時間，可見變招快放相當犀利。「幸運星球」近期試閘看似論盡，實則起步不好被逼在後競跑，而當日場地極差，馬匹被泥地打中而已。今仗「幸運星球」再戰贏馬路程，有望再贏一場，取得跨季連捷。
「幸運星球」明晚再戰贏馬路程，有望再贏一場，取得跨季連捷。
木火兄弟再贏一場
第八場第二班一六五○米：「木火兄弟」首季在何廄已展顯露一手，初出配楊明綸熱捧僅負跑第二，之後連輸四仗，直至第六次上陣去到煞科日扳上千六終於得手。找到了致勝方針「木火兄弟」前季大放異彩，頭七次上陣全拚入前四，取得三冠一亞三殿佳績，仲要泥地贏草地再贏，三捷於不同路程，射程極之廣泛。
「木火兄弟」之後有傷，三月中拼後便提早抖暑，上季此駒由鄭俊偉接手，儘管仍受傷患困擾，去到十一月底才復出，全季也只出賽八次，不過表現極穩定只有兩仗不獲獎金，大敗五十個馬位一仗全因為心律不正。上季尾「木火兄弟」在同程再響勝鼓，輕取今戰一眾勁敵姿態嚇人，跑出一分三十九秒九，更是同程中最快時間。
「木火兄弟」休息充足，周三晚有力再贏一場。
兆文
