校規「唔畀書包掛公仔」 學生呻慘：影響到乜？更奇怪校規：眼鏡框唔可以粗過xcm︳親子熱話
發佈時間：12:37 2025-09-02 HKT
開學了，各位莘莘學子應當收拾好心情重投校園生活，不少孩子從幼稚園上小學，或成為初中生，也有大一學生，走進新校園需要適應新生活，還有新校規。有學生就於網上討苦水，指學校定下新校規「唔俾帶超過3隻公仔」，有學生更指「唔俾書包掛公仔」，令他們不思不得其解，「唔明其實掛公仔會影響到啲乜」。但有留言分享，原來這條「校規」已存在於不少學校20年以上！
親子熱話︳校規「唔畀書包掛公仔」學生呻慘
校規是為了維持學校秩序，上學不准遲到、上課不准談話……都是「常見」，但原來有不少學校於近年定下新校規：不准書包掛上公仔。有學生於Threads上分享指「學校嘅新校規，真係勁無言，唔俾帶超過3隻公仔，同公仔唔可以超過12cm」，亦有學生於[email protected]上分享：「新校規學校唔俾書包掛公仔」，學生們對於這條校規表示無奈：「唔明其實掛公仔會影響到啲乜？影響到老師教書？影響到上堂？影響到秩序？影響到讀書？」
有留言就指這條校規定得「合理」：「其實唔畀掛都好啱，而家有啲人追潮流係為咗喺同輩間晒命，唔比帶公仔返學可以減少一部分炫耀，學生仔冇獨立經濟能力，無謂搞到有細路同屋企人講『我哋全班都有labubu點解我冇』嘅問題」、「其實認真講，宜家教嘅係守規則同埋尊重場合，即係我唔係想slippery slope，但係有啲嘢唔由小做起，大個就好多野唔知點解唔做得，人地喪禮你話我點解唔笑得，去親戚屋企見到人地公仔好靚又問點解唔玩得咁，其實好多野都有hidden agenda，學校係學習既地方，其實要避免有啲影響學習環境嘅嘢，與其做自由戰士先驅，不如做好自己本份」，網友都勸同學仔遵守校規，這亦是成長的一部分。
點擊圖片瀏覽同學有趣留言分享：
不過原來這條校規並非新鮮事，有學校早於20年前就已定下：「20年前我間中學都已經唔俾掛公仔，絕對唔係今時今日嘅事」。當然也有「搞笑」朋友「勸」小朋友打破校規：「唔掛出嚟 放喺書包入面」、「所以我唔掛係咪就得，咁我放扭蛋機書包」。
更奇怪校規：眼鏡框吾可以粗過0.8cm
早於年初常到不同學校作school tour表演的周殷廷（YT）亦曾發出帖文讓學校們分享古怪校規引來熱議，有同學分享：「眼鏡框吾可以粗過0.8cm」、「內衣褲要純白色，但校裙唔係純白色」、「小息唔可以喺課室食嘢，但午息可以」、「小息打鐘嗰30秒定格唔準郁，郁咗要摘名（小學版魷魚遊戲）」
各位家長與同學仔，你們的學校又有哪些「古怪」校規呢？不過要知道校規是用來維持學校秩序，助孩子創造良好的學習環境，規範學生的行為和態度，有助培養學生的責任感和守法精神，並教育他們理解行為對他人的影響，為進入社會做準備，所以同學們就別肆意去破壞校規了。
點擊圖片瀏覽網民分享奇怪校規：
資料來源：Threads@whoisyanting、IG@schools.secrets
相關文章︳中學書簿費貴得驚人 家長：「盛惠$5300」 網民：呢個年級買書最貴！
相關文章︳Coffee林芊妤誤扔囝囝已完成暑期作業 大懵媽咪自責「大頭蝦」做一事補鑊圓滿解決︳親子熱話
